1 Samuéu 28:15 - ꞌRe Ihâimana Uꞌâsi Mono Zadawa Wasuꞌu

¹⁵ Tahawa, te Samuéu hã Sauhu ma tinha ãne: — E marĩ da, ma tô ĩzô irowasu. E marĩ da, ma tô ãne hã ĩma i'manha, apâ we ĩmorĩ da hã. Tawamhã Sau ma ãma tãma wa'rã ãne: — Ĩma ropire uptabi di ãhã na hã, filisteu norĩ hã te te siwi ĩ'wapéi u'âsi mono wa. Duré 'Re ihâimana u'âsi mono hã ma tô ĩma ai'ré, ĩme hâimana tõ da hã. Tahawa, marĩ na te te ĩzada'âbâ õ di, isadawa 'mahârâ'wa nhimirowasu'u na hã, duré ĩnhotõ 'rowim na hã. Tahawa, ãme ĩma rowasu'u da hã wa asô hâ, za marĩ te i'manharĩ da na hã.

1 Samuéu 28:15 ပူးပေါင်းရင်းမြစ်များ

Salmu 51:11

'Re i'asãmra mono zém hawimhã ma'ãpé ĩwazere tõ. Duré aipẽ'ẽzani iwẽ hã ĩhawimhã wazere tõ.

Provébiu 14:14

Iwẽ hawi 're isipizari za'ra mono norĩ hã tiwasété 'manharĩ na te te 're i'upa za'ra mono zéb zarina, te za romnhi'esezé hã te te sima 're sani za'ra. Tane nherẽ, wẽ na 're ihâimana za'ra mono norĩ hã te za ro iwẽ hã te te sima 're sani za'ra.

Mateu 25:41

— Tawamhã isimi'e niwĩ isimasam norĩ ma, te za oto nharĩ za'ra, ãne: “A norĩ wa'wa hã ma tô 'Re ihâimana u'âsi mono hã te te siwi 're aiwẽ'õ pese za'ra wa'wa. Mo oto ĩnhiti ai'aba'réi wa'aba, unhama ro'o u'âsi u, wa'uburé norĩ zô 'Re ihâimana u'âsi mono te te ipisutuzéb u, duré ta norĩ nhib'apito zô zama.

Zuize 16:20

Tawamhã te oto duré 'mahâ ãne: — Sãsã! Filisteu norĩ, ma we duré asô aihutu na sahu! Tawamhã utu wamhã, te duré ãne rosa'rata: “Wa za duré tiwi ĩsiwazere za'ra, tiwi 're ĩsisani u'âsi za'ra mono ne.” Ãhã wa, Sãsã hã te te sina waihu'u õ di, 'Re ihâimana u'âsi mono tãma isi'rézém na hã oto.

1 Samuéu 18:12

Wanhib'apito te Dawihi siré 're hâimana oto. Sauhu si ma tô tirẽ. Tahawa, Sau hã Dawihi ma pahi uptabi di oto.

1 Samuéu 23:2

Tahawa, te Uburé Danhib'apito hã sina sadanha ãne: — E wa za mo, te a'wapé da, filisteu norĩ hã. — Tô aimorĩ, a'wapé da filisteu norĩ hã, duré anho'reptu da, 'ri'ahâ Queira ãma, 're idahâimana za'ra mono norĩ hã. — Ãne ma ãma tãma wa'rã, 'Re ihâimana u'âsi mono hã.

1 Samuéu 23:4

Tawamhã Dawi, Uburé Danhib'apito hã ma duré isadanharĩ na ãma sahu. Tahawa, ma ãne ãma tãma wa'rã: — Mo oto aimorĩ Queira u, a'wapé da, za te aima sõmri wa, filisteu norĩ ãma i'ai'uté za'ra zé hã.

1 Samuéu 28:11

Tawamhã te pi'õ sadanha ãne: — E 'wa hã te asima iwẽ, te te ãma isai'uri da, te tãma i'manharĩ da hã, wa hã. Tawamhã ma tô ãma sada'â: — Samuéu!

1 Samuéu 28:16

Tawamhã Samuéu te duré asa tãma tinha ãne: — E marĩ da, te ĩzô aihâ ãhã na awa'awi na hã Wanhib'apito 'Re ihâimana u'âsi mono te te airẽme nherẽ, duré asitob'ru na oto aima hâimana nherẽ.

1 Samuéu 28:6

Tahawa, te Uburé Danhib'apito hã sadanha ãne: — Ĩnhib'apito, e marĩ, wa za 'manha. Tane nherẽ, 'Re ihâimana u'âsi mono hã te te ãma sada'âbâ õ di, sõtõ 'rowim na hã duré ẽne Urĩ na hã duré 'Re ihâimana u'âsi mono zadawa 'mahârâ'wa norĩ nhimirowasu'u na hã.

1 Samuéu 28:8

Tawamhã Sau hã ma tô da'uza ihâiba amo na hã si'uza, da te hâiba waihu'u tõ da. Tawamhã robza'rã wamhã oto, ma tô maparane tizapari'wa norĩ me hã mo, tô õ hã pi'õ te te sadanharĩ da. Tahawa, te ãne tãma tinha: — Ma'ãpé ĩma sadawa pibu za'ra na 're idadâ'â za'ra mono norĩ hâiba warõ hã te te ĩma 'mairowasu'u da, za marĩ ĩhâimanazém na hã. Wa hã wa za aima 'maiwasu'u za aibâ nhisi hã. Tawamhã a hã te za ãma tãma i'mairob'ru, 're idâ'â za'ra mono hâiba warõ ma hã, ãma ĩtẽme te te i'mazai'uri da hã.

1 Samuéu 30:6

Tawamhã Dawihi ma hã ropire uptabi di. E marĩ wa. Ite aibâ norĩ hã 'ra ãna oto hâimana za'ra wa, ma te oto isé pire hã sô tiwatobro za'ra. Tahawa, Dawi hã ẽtẽ na te te siwi wĩrĩ da te ãma sima robzanhamri pibu za'ra. Tane nherẽ, ma tô Uburé Danhib'apito ite 'Re ihâimana u'âsi mono nhimipawaptobzém na hã ipẽ'ẽ 'remhã aptete.