1 Samuéu 27:12 - ꞌRe Ihâimana Uꞌâsi Mono Zadawa Wasuꞌu

¹² Tahawa, Aqui hã ma tô te te 're umnhasi, Dawi hã. Tahawa, te ãne te te dama 're wasu'u wẽ: — Ã hã ma tô isiré Izaraéu nhihudu norĩ hã, te te siwi 're wẽ'õ pese. Tahawa, te õne u'âsi za te te ĩma 're romhuri.

1 Samuéu 27:12 ပူးပေါင်းရင်းမြစ်များ

Zenezi 34:30

Tahawa te Zaco, Simiã norĩ ma, Levihi me, tãma nharĩ zahuré ãne: — A norĩ wa'wa ma tô ropire ĩzada iwazere 'wa. Tahawa te za a'uwẽ cananeu norĩ, perizeu norĩ, duré uburé ã hã ti'ai 're, 're idahâimana za'ra mono norĩ hã te te siwi 're ĩ'ruiwapari u'âsi. Duré ĩnhib'a'uwẽ si'aibâ norĩ ahâ õ di, wa hã. Tahawa ĩzada si'rã'õtõ wa, te te duré siwi ĩ'wapéi wamhã, te za uburé ĩsiwapru norĩ hã duré ĩ'ra norĩ hã ai'utõ.

Ezodu 5:21

Tahawa, ma tô tãma nharĩ zahuré ni duré ãne: — Uburé Danhib'apito, marĩ i'manharĩ aba zé hã ma tô 'madâ. Tahawa te za duré ai'ahâri 'wa. Ai'u'âbâ wa'aba ma tô apito hã duré tãma romhuri'wa norĩ zama wazada tinhiti'ru za'ra. A norĩ wa'wa ma tô isimirosa'rata wasété za'ra hã wazada tãma isõmri 'wa, te te wa'uprosi da.

1 Samuéu 13:4

Tawamhã ã hã uburé Izaraéu nhihudu norĩ hã ma tô wapari za'ra, rowasu'u hã: “Sau hã, filisteu norĩ te dasi'wapéi'wa norĩ 'madâ'â'wa hã ma tô tiwĩ. Tahawa, ma tô Izaraéu nhihudu norĩ hã oto 'ru 'manharĩ za'ra.” Tawamhã sô idahãsizé te te wapari za'ra wa, ma tô Gilga ãma Sauhu tẽme si'rã'õtõ da hã ai'aba'ré.

1 Samuéu 27:11

Tawamhã Dawi hã uburé pese ma tô te te a'uprosi aibâ norĩ hã pi'õ norĩ zama, ni'wa hã apâ Gati u hã wisi tõ da, tite aibâ norĩ me marĩ te te i'manharĩ za'ra zém na dama ipire ma te te i'mairowasu'u da hã. Ãne Dawi hã, ma tô filisteu norĩ siré 're hâimana mono ré hã te te 're 'manharĩ.

1 Samuéu 28:1

Tawamhã nimahãna si ma tô filisteu norĩ hã si'rã'õtõ dasi'wapéi 'manharĩ'wa norĩ hã, Izaraéu nhihudu norĩ te te 'wapé za'ra da hã. Tahawa, te Aqui hã tãma tinha ãne, Dawihi ma: — Ma'ãpé niha waihu'u za: Te za ĩsiré i'a'wapé, ate dasi'wapéi 'manharĩ'wa norĩ ré.