1 Samuéu 27:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã te Dawi hã ãne sima rosa'rata: — Nimahã bâtâ na Sau hã te za ĩwi. Tahawa, ĩma wẽ di za ĩmorĩ da hã, ĩsimani da, filisteu norĩ nhipti'ai u. Tawamhã te za Sau hã taré ĩzô 're rĩtĩ, uburé Izaraéu nhihudu norĩ nhipti'ai mono na hã. Ãne wamhã, wa za ĩsima iwẽ na nhamra, te ĩsima romnhimimnhasi ãna.

1 Samuéu 27:1 ပူးပေါင်းရင်းမြစ်များ

Ezodu 14:12

Ezitu ãma hã wa tô aima nharĩ za'ra ni aré, ãne: Wawasutu za'ra tõ! Wasima iwẽ na wahâimana za'rare. Ezipsiu norĩ ma, wapawa'âbâ ãna wa te tô 're romhuri za'ra mono! Wama wẽ za'ra di aré, ezipsiu norĩ ma, wa te 're iromhuri za'ra mono da hã. Oto tô rop si 're irosa'wari mono ãmap si iwasété uptabi hã iwasi'utõrĩ da hã ãme!

Provébiu 13:12

Marĩ iwẽ zô 're idanhimipari za'ra mono zé hã dawi sô 're rowaptâ'â hâ za'ra mono wamhã, te za robzei'õ uptabi na dahâimanazé hã dama 'manha. Tane nherẽ, da te dasima 're iwẽ za'ra mono zé, i'manharĩ na, da te dasima ãma 're uwaimrami za'ra mono wamhã, dapẽ'ẽ 'remhã dama rowẽ za'ẽtẽ di za.

Mateu 14:31

Tawamhã awa'awi ma tô Zezusi hã pa'â, tinhib'rata na. Ãne te tãma tinha, Pedruhu ma: — E niha aima ĩzaze surure di. E marĩ da, ma tô 'râwi ĩ'ãma asiwawã, za te i'aipawaptobzém na hã.

Marcu 4:40

Tawamhã Zezusi hã te ãne tãma nharĩ za'ra: — E marĩ da, ma aipahi za'ra wa'wa. E niha zahadu asiwi 're ĩ'umnhasi za'ra wa'aba mono zé hã aima 're hâimana za'ra wa'aba mono õ di.

2 Corĩtu 7:5

Masédonia u, we wasimasisi wamhã, wa te ãma ãpusi waihu'u õ di. Ãmemhã wazada hã ro'wa'rutu uptabi di, da'ahâ na wazada dahâimana za'ra wa. Duré ai'ãma wahâtâ'â za'ẽtẽ za'ra wa'aba di. E marĩ wa. Wanhib'apito wasu'uwẽ nhiti, aipizari za'ra wa'aba õ'umnhasite.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.

1 Samuéu 16:13

Tawamhã Samuéu ma tô oto ti'â abazei u azeitona 'rãi wa'ui ré hã. Taha na ma tô oto 'rãti'i Dawi hã, isisãnawã norĩ nho're. Tahawa, 'Re ihâimana u'âsi mono pẽ'ẽzani hã ma tô Dawihi wamhã oto iwab ãzé siptete na ãma 're ihâimana mono zéb da hã. Tawamhã ta hawim haré ma tô ipẽ'ẽ 'remhã 're hâimana. Tawamhã Samuéu Rama u te oto apâ mo.

1 Samuéu 20:3

Tawamhã Dawi ma ãma tãma wa'rã ãne: — Aimama ma hã waihu'u pese di, aima ĩwẽ za'ẽtẽ na hã. Tahawa, te te ĩ'ãma sima irosa'ratazé hã te te aima wasu'u õ di, waihu'u da hã, robzépata tõ da, aiwi irobzei'õzém na. Ãhã na wa za Wanhib'apito 'Re ihâimana u'âsi mono sena na 're ihâimana mono ne, a hã duré sena na 're aihâimana mono ne ropisudu hã aima 'manha. Tô sena ĩdâ'â da hã romnhimimnhasi wa oto.

1 Samuéu 22:5

Tawamhã 'Re ihâimana u'âsi mono zadawa 'mahârâ'wa Gadi hã ma tô Dawihi hâimanazéb u itẽme mo. Tawamhã te ãne tãma tinha: — Ãmemhã aihâimana õ di za. Te za aimorĩ su, Zuda ti'ai u hã. Tahawa, ma tô Dawi hã watobro oto ta hawimhã. Ma tô mo, Hereti na marã nhisi u hã.

1 Samuéu 23:17

Tawamhã Zonata te ãne tãma tinha: — Aipahi tõ. Ĩmama Sau hã te te aima rob'manharĩ waihu'u õ di za. Tahawa, te za a hã asi'apito, Izaraéu nhihudu norĩ ma. Tawamhã wa hã wa za asahâpâ 're ĩhâimana. Ãne hã ĩmama te te waihu'u pese di.

1 Samuéu 25:30

Wanhib'apito 'Re ihâimana u'âsi mono hã te za uburé tiha iwẽ na hã ãma aima uwaimra, te te aima iropisutuzéb zarina. Te za duré tawamhã aipisutu, Izaraéu nhihudu norĩ ma asi'apito da hã.

1 Samuéu 26:19

Apito, te za ĩwapa, za te aima inharĩzém na hã. 'Re ihâimana u'âsi mono, ĩzada aihâimana da, te te ai'rãi pi'rai wamhã, te za õ hã danhoprubzém na tãma asõpru wamhã tinhimirosa'rata na hã ai'ãma saprĩ za. Tane nherẽ, duré, ãne na hã nima norĩ aibâ te te siwi 'manharĩ wamhã, tô za ibâre 'Re ihâimana u'âsi mono nhimihâzé isisiwi waptã'ã za'ra da hã. E marĩ wa. Õ norĩ hã ma tô siwi ĩwaze, Wanhib'apito 'Re ihâimana u'âsi mono nhipti'a nhiti, wasiré a'uwẽ'õ norĩ nhipti'ai u, ro hã romhâibarĩ na si 're idawata za'ra mono zéb u.

1 Samuéu 29:2

Tawamhã 5 na dama i'rãnho'õmo norĩ filisteu hã ma tô te te ropãrĩ za'ra mono sina, sisõré pese na ai'aba'ré tite dasi'wapéi 'manharĩ'wa norĩ ré, nima norĩ 100 na ãma sima isipo'o za'ra ré, duré nima norĩ miu na ãma sima isipo'o za'ra ré. Tahawa, Dawi tite aibâ norĩ ré ma tô isa'u za'ra mo, te te ropãrĩ za'ra mono sina, sisõré pese na, Aqui na isisi siré.

1 Samuéu 29:3

Tawamhã filisteu norĩ te dasi'wapéi 'manharĩ'wa norĩ 'madâ'â'wa hã ma tô ãne anharĩ za'ra: — E marĩ te hebreu norĩ hã ãmemhã 'manharĩ za'ra. Tawamhã Aqui ma tô ãma sada'âbâ za'ra ãne: — Ã hã Dawi, Izaraéu nhihudu norĩ nhib'apito ma romhuri'wa aré, Sauhu ma hã. Duré ma tô bâtâ ahâ na hã ĩsiré 're hâimana, Sau te te irẽme hawim haré. Tô ĩtẽme wisi hawim haré, marĩ hã te 'madâ'â õ di, te te i'manharĩ upazé hã, ĩwi.