1 Samuéu 26:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Dawi hã ma tô õne haré mo. Morĩ wamhã, ma tô sõpẽtẽ, Sau norĩ te te sima i'ri nhoré za'ra zé hã. Tahawa, ma duré tisã Sau norĩ isõtõ zahuré zé hã Abinehe me. Ta hã dasi'wapéi 'manharĩ'wa norĩ wada'uri'wa, Nehe 'ra. Sau hã te te sima i'ri nhoré za'ra zéb 'remhã te nhono. Ite dasi'wapéi 'manharĩ'wa norĩ hã te te sima i'ri nhoré za'ra mono na, ma tô ãma siwi uirĩ.

1 Samuéu 26:5 ပူးပေါင်းရင်းမြစ်များ

1 Samuéu 17:20

Tawamhã ãne bâtâ na awẽm na, ma tô Dawi hã oto udu mararé. Tahawa, ma tô pone'ẽrebâ norĩ hã da te sô 'madâ'â za'ra da hã dama sa'ré. Taha pari, imama Zésé te te tãma i'ru te te iduri da hã ma tô oto ti'â. Tawamhã ma tô oto wi, da te dasima i'ri nhoré za'ra zéb u hã, Izaraéu nhihudu norĩ hã, si'wapé za'ra da hã nasi hãsi mono ré wairébé mono sina isisõré pese da hã, za isi'wapé za'ra zéb u hã.

1 Samuéu 17:55

Dawi, Gulia na aibâ 'rãihâ nhisi te te 'wapéi pari iwatobrozém na Sau hã te te 'madâ'â wamhã, ma tô Abine dasi'wapéi 'manharĩ 'madâ'â'wa hã ãma sadanha ãne: — Abine, e 'wa hã õ hã ai'repudu. Tawamhã Abine ma ãma tãma wa'rã ãne: — Me, te waihu'u õ di. Sena na 're i'aihâimana mono ne hã wa tô duré sena aima wasu'u.

1 Samuéu 26:4

Tahawa, ma tô Dawi hã tite aibâ norĩ hã 'mazatõ, te te 'maiwapsãi'a mono da, Sau tô sena õme ihâimanazé hã te te waihu'u da.

1 Samuéu 9:1

Tawamhã aibâ Quisi na isisi te 're hâimana, Bẽzamihĩ nhihudu hã. Ta hã Abi'éhé 'ra, duré Zeroho nhihudu, duré Becuratihi 'ra nhihudu, duré Api'asihi 'ra 'ra nhihudu. Tawamhã Quisi hã sibro pese di, duré dama pire na 're ihâimana mono.