1 Samuéu 26:3 - ꞌRe Ihâimana Uꞌâsi Mono Zadawa Wasuꞌu

³ Tawamhã ma tô sima 'ri nhoré za'ra Haquira na ẽtẽ nhisi ãma, Zézimo na romnhisi nho're. Tahawa, Dawi hã te nhamra a'ubuni wi supara'ré ãma. Taha ré, ma tô Sauhu wasu'u hã wapa isarina imorĩzém na hã.

1 Samuéu 26:3 ပူးပေါင်းရင်းမြစ်များ

1 Samuéu 23:15

Dawi hã ma tô pahi na tihâiba, Sau hã sô watobro wa, te te wĩrĩ da. Tahawa te oto Horeza na romnhisi ãma 're sãmra, rop si 're irosa'wari mono ãma, Zipe 'ratamhã.

1 Samuéu 23:19

Tawamhã ni'wam norĩ hã Zipe na romnhisi ãma 're ihâimana za'ra mono norĩ hã ma tô 'mane Zibea u hã. Tawamhã ta norĩ hã ma tô Sauhu ma hã 'mairowasu'u ãne: — Dawi hã ma tô aima'u, wanhipti'a za'ra Horeza ãma, Haquira na ẽtẽ nhisi ãma, Zézimo na romnhisi ãma, hâiwa nhimi'e niwĩ.

1 Samuéu 24:3

Tawamhã Sau, ma tô oto wi ẽtẽ zahâpâ ab're 'rata, pone'ẽrebâ 'wawi wa'ra u hã bâdâdi 'ratamhã. Tawamhã tame tisai 'rada te te sa'wari da hã ma tô ãzé. Tahawa, te Dawi norĩ hã tô tame ab're 're tihâimana za'ra, ab're wa'wa u pese.

1 Samuéu 26:1

Tawamhã ni'wam norĩ Zipe na romnhisi ãma 're isi'ubumroi mono norĩ hã ma tô ai'aba'ré, Zibea na romnhisi u, Sauhu ma te te rowasu'u za'ra da, Dawi hã tiwi isima'uri na hã Haquira na ẽtẽ nhisi ãma, Zézimo na romnhisi nho're.

1 Samuéu 26:4

Tahawa, ma tô Dawi hã tite aibâ norĩ hã 'mazatõ, te te 'maiwapsãi'a mono da, Sau tô sena õme ihâimanazé hã te te waihu'u da.