1 Samuéu 26:23 - ꞌRe Ihâimana Uꞌâsi Mono Zadawa Wasuꞌu

²³ Wanhib'apito 'Re ihâimana u'âsi mono hã te 're inomro wẽ mono norĩ ma si te te 're awa'âbâ iwẽ na hã, te te sina 're i'umnhasi za'ra mono norĩ ma hã, duré sena na i'uwaibaba na si ãma 're inomro mono norĩ ma hã. Ã bâtâ na ma tô aré ĩma aihâiba nho ĩnhib'ratamhã. Tane nherẽ, ĩnhib'rada te sarõtõ õ di, 'Re ihâimana u'âsi mono, apito da, te te i'aipisudu te i'aiwĩrĩ da hã.

1 Samuéu 26:23 ပူးပေါင်းရင်းမြစ်များ

Neemia 13:14

“Ĩte 'Re ihâimana u'âsi mono, ma'ãpé asõrõwa 'ri 're ma, duré iwa ai'ãma 're idawata za'ra mono zé ma, uburé marĩ te 're i'ab'manharĩ mono zém na ĩ'ãma aipo're pu'u.”

1 Samuéu 24:11

Ĩnhib'apito, ma'ãpé ai'uza nhizâri hâiwa'õno hã 'madâ'â ĩnhib'ratamhã. Wa hã wa tô aiwi anhizâ, ai'uza hâ 'rãsudu hã. Tane nherẽ, wa hã te aiwĩrĩ õ di. Ã hã te za iwaihu, wa hã te rosa'rata õ di, asada ĩhâimana da hã, duré ĩwasédé te ai'ãma i'manharĩ da hã. A hã ĩzô 're airĩtĩ mono zé hã ĩwĩrĩ da, te waihu'u pese nherẽ, tane nherẽ, wa hã te ai'wapéi õ di tô.

1 Samuéu 24:12

Tahawa, te za Wanhib'apito si wawaihu'u, marĩ na wa te ãma i'upa na hã. E a hã e wa hã. Tahawa ĩma iwẽ õhõ si te te aima rob'manharĩ da, ĩzada aihâimanazéb zarina. Tane nherẽ, wa hã te i'ai'wapé da hã mare di.

1 Samuéu 24:18

à bâtâ na ma tô ĩma asihâimanazé hâi'ré, iwẽ ĩma i'manharĩzém na hã. E marĩ wa. Ĩwĩrĩ õ wa, Wanhib'apito hã te te aima ĩhâiba nhomri nherẽ, asib'rata.

1 Samuéu 24:19

E ni'wa hã te aré tinhitob'ru hã satõ, dâ'â ãna morĩ da hã, te te âri parimhã asine. Mare di. Tahawa, te za Wanhib'apito hã iwẽ na hã aipawapto, ã bâtâ na ĩma i'manharĩ wẽ zé wa'rãmi.

1 Samuéu 26:11

Tahawa, wa tô waptẽ, Wanhib'apito wi, te te ĩpatété da, te sada sarõtõ tõ da apito da, te te ipisutu da hã. Tahawa, oto ub'rẽ si wa te tiwi âri, duré ite isi'uwazi 'rã'wa zama. Taha parimhã, õne haré wa za oto apâ wanem ni.

1 Samuéu 26:22

Tawamhã Dawi ma ãma tãma wa'rã ãne: — Apito, ãhãta isi'uwazi 'rã'wa, te ate hã za. Ate aibâ norĩ hã we sô 'maimorĩ.

1 Samuéu 26:9

Tane nherẽ, ma tô Dawi hã ãma tãma wa'rã ãne: — Tô'ã. Wĩrĩ tõ. E marĩ wa. Ni'wa hã 'Re ihâimana u'âsi mono apito da, te te ipisudu hã te te wĩrĩ da, tipa te te sarõtõ wamhã, te za Wanhib'apito hã tãma rob'manha.