1 Samuéu 26:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Dawi hã ma tô saprĩ ẽtẽ siwa'aba na zara u, te te sai'uri da, ẽtẽ na isisi u, Sau norĩ ma hã tãma romhâ uptabi za'ra da.

1 Samuéu 26:13 ပူးပေါင်းရင်းမြစ်များ

Zuize 9:7

Tawamhã Zotã ãne hã te te waihu'u wa, ma tô Gerizi na ẽtẽ nhisi na sai'u. Te te sai'uri wamhã, ma tô ãne hârâ 'rãihâ na 'mahârâ za'ra: — Siquẽ ãma aibâ norĩ, asiwi ĩwapari aba! Tawapsi te za 'Re ihâimana u'âsi mono te te 're aiwapari za'ra wa'wa.

1 Samuéu 24:8

Tahawa, ma tô Dawi hã isarina watobro. Tawamhã te ãne duré 'mahâ: — Apito Sau! Ãne wa, ma tô Sau hã aipi'ra sibabarãi u. Tawamhã Dawi hã te te iwazéb zarina ma tô hi'rãtitõ tãma nhamra. Ma tô duré ti'ubu na tãma ropto, ti'ai u.

1 Samuéu 26:12

Tawamhã Dawi hã ma tô tiwi ti'â, isi'uwazi 'rã'wa si, duré ub'rẽ si, Sauhu 'rã ãma isima'wara norĩ si. Taha pari, ma tô oto ne, Abisaihi me hã. Taha ré hã ni'wa hã te te 'madâ'â zahuré õ di. Duré ni'wa hã te te waihu'u zahuré õ di, marĩ te te i'manharĩ zahuré zém na hã. Ni'wa hã duré topo'o õ di. Uburé ma tô tinhotõ pese za'ra. E marĩ wa. Uburé Danhib'apito te te hâ za'ra wa, aptâ'â uptabi na hã.

1 Samuéu 26:14

Tahawa, ma tô oto hâ, hârâ 'rãihâ na Abinehe ma, duré Sauhu te dasi'wapéi 'manharĩ'wa norĩ ma, ãne: — Abine, e ma tô ĩhârâ wapa. Ãhã wamhã, te Abine hã anha ãne: — E 'wa te hâ, apito ma hã.