Duré da te aima 're rob'manharĩ wasété za'ra wa'aba mono wamhã, asa dama ãma 're wa'rãmi wasété za'ra wa'aba mono õ di za, aiwab da. Marĩ iwẽ si 're i'manharĩ za'ra wa'aba mono na si, te za asima 're asõpré u'âsi aba mo, isazei'wa 're anomro aba mono wa, da te ai'ãma 're rosa'rata wasété za'ra wa'aba mono tõ da.
1 Samuéu 26:11 - ꞌRe Ihâimana Uꞌâsi Mono Zadawa Wasuꞌu11 Tahawa, wa tô waptẽ, Wanhib'apito wi, te te ĩpatété da, te sada sarõtõ tõ da apito da, te te ipisutu da hã. Tahawa, oto ub'rẽ si wa te tiwi âri, duré ite isi'uwazi 'rã'wa zama. Taha parimhã, õne haré wa za oto apâ wanem ni. အခန်းကိုကြည့်ပါ။ |
1 Samuéu 26:11
11 ပူးပေါင်းရင်းမြစ်များ
Ĩsisãnawã ĩma asawi pese aba norĩ, da te aima 're rob'manharĩ wasété za'ra wa'aba mono wamhã, 'Re ihâimana u'âsi mono upana asi'uihâ na 'râwi 're asi'ruiwa'âbâ za'ra wa'aba mono õ di za. Taha si, tinhimihâzém na te te 're ai'ruiwa'âbâ za'ra wa'aba mono da, te za õhõ si 're i'madâ'â za'ra wa'aba mo. Duréihã ãne na ma tô Wanhib'apito mreme na rob'ui'éré, Mozési hã: “Wa hã ĩsiwaprosi, wa za te 're da'a'ruiwa'âbâ. Ĩwétési, wa za te dama ãma 're awa'rãmi, marĩ, da te 're i'manharĩ wasété za'ra mono zém na hã.”
Duré asada 're dahâimana wasété za'ra wa'aba mono wamhã, asa dama ãma 're wa'rãmi za'ra wa'aba mono õ di za, aihâimana wasété na. Duré dapẽ'ẽ na taré da te 're ai'ruiwapari za'ra wa'aba mono wa, da te aima 're nharĩ za'ra wa'aba mono nherẽ, asa dama ãma 're wa'rãmi za'ra wa'aba mono õ di za, aimreme wasété na hã. Wamama wi si, te za ta norĩ ma 're iwaptẽrẽ za'ra wa'aba mo, iwẽ si te te tãma 're sõmri za'ra mono da, ta norĩ ma hã. Ãne da, ma tô Wamama hã sitẽme asô tihârâ za'ra wa'wa, iwẽ na si aima 're sõprub za'ra wa'aba mono da.
Ãhãta wa hã wa ĩhâiba. Marĩ na te upai wamhã, ma'ãpé ĩwasédé hã asiwi ĩ'ãma hiri aba ãhã na awa'awi na Uburé Danhib'apito nho'a, duré apito da, te te ipisutu nho'a. E niwamhã wa tô powawẽ hã dawi 'mai'â, niha wamhã, awaru po'repore hã. E niwamhã wa tô duré dama sadawa hapese. E niwamhã wa tô dazada 're ĩhâimana. E niwamhã wa tô duré rob'uiprazé hã te 're awaibu pi'uriwi, iwa'rãmi te dama 're i'arowairébé mono wẽ da hã. Ãne hã pé wa hã te 'manharĩ wamhã, wa za apâ sõmri za'ra, itede'wa norĩ ma hã.
Tawamhã isiré aibâ norĩ hã ma tô tãma nharĩ za'ra ãne, Dawihi ma: — Ate hã oto bâdâ. A hã te za oto asi'madâ. Wanhib'apito 'Re ihâimana u'âsi mono ma tô tinha, asitob'ru hã te te aima sõmri da, asib'rata, a hã marĩ ãma 'manharĩ da, asima iwẽzéb uwaibaba. Tawamhã ãne wa, Dawi hã ma tô oto atãma hâire sisa'ré, Sau tisai 'rata ma isãmrazéb u. Tahawa, ma tô duré te te sina sa'rese ãna i'uza hâzada'ré hã tiwi anhizâ, suru na.
ကြော်ငြာတွေ