1 Samuéu 26:10 - ꞌRe Ihâimana Uꞌâsi Mono Zadawa Wasuꞌu

¹⁰ Sena na 're ihâimana u'âsi mono ne Wanhib'apito, tô sena te za tô taha si tiwĩ Sau hã, ite bâdâ hã tãma wisi wapsi, idâ'âzéb da hã, niha wamhã tô, dasi'wapéi u.

1 Samuéu 26:10 ပူးပေါင်းရင်းမြစ်များ

Zenezi 47:29

Oto niha na tidâ'âzéb da na siwaihu'u wamhã, ma tô Zaco, ti'ra Zuzéhé zô hã hâ. Ãhã wa, te ãne tãma tinha: — Ĩzawi wamhã, ma'ãpé ĩzadazute 'rowi asib'rada hã sẽrẽ sina, sena na ĩma ropisutu, asimizawizé ĩ'ãma ihâimana zarina duré ĩma i'ai'umnhasizéb zarina. Ezitu 'remhã ĩ'ãma ti'ai õ di za.

Salmu 94:23

Tawamhã 'Re ihâimana u'âsi mono te za ã hã da'ãma rowairébé'wa norĩ nhisiwi iwasété 'manharĩ za'ra zé waptã'ã da hã tãma pisutu za'ra. Uburé Danhib'apito, wate 'Re ihâimana u'âsi mono hã te za uprosi, isimi'manharĩ wasété za'ra u'âbâmhã.

Luca 18:7

Wẽ prã zahã, te za, u, imrotõ hã pawapto. E bété tinhib'a'uwẽ hã te te 're pawaptob za'ra mono õ di za, 'Re ihâimana u'âsi mono hã. Ãté rowa'a na, ãté bara na te za sô 're hãsi, te te 're pawaptob za'ra mono da. E bété te te 're pawaptop su'u za'ra mono õ di za.

Roma 12:19

Ĩsisãnawã ĩma asawi pese aba norĩ, da te aima 're rob'manharĩ wasété za'ra wa'aba mono wamhã, 'Re ihâimana u'âsi mono upana asi'uihâ na 'râwi 're asi'ruiwa'âbâ za'ra wa'aba mono õ di za. Taha si, tinhimihâzém na te te 're ai'ruiwa'âbâ za'ra wa'aba mono da, te za õhõ si 're i'madâ'â za'ra wa'aba mo. Duréihã ãne na ma tô Wanhib'apito mreme na rob'ui'éré, Mozési hã: “Wa hã ĩsiwaprosi, wa za te 're da'a'ruiwa'âbâ. Ĩwétési, wa za te dama ãma 're awa'rãmi, marĩ, da te 're i'manharĩ wasété za'ra mono zém na hã.”

Hebreu 10:30

Tahawa, te za tô ta norĩ hã nimahã na hã hâ za'ra, 'Re ihâimana u'âsi mono hã. Duréihã ma tô ãne na ni'wa hã ãma rob'ui'éré siro, 'Re ihâimana u'âsi mono mreme na hã. Ãne na hã 'Re ihâimana u'âsi mono mreme hã wama waihu'u pese za'ra di oto: “Wa hã ĩsiwaprosi wa za te 're da'a'ruiwa'âbâ. Ĩwétési wa za te dama ãma 're awa'rãmi, marĩ, da te 're i'manharĩ wasété za'ra mono norĩ ma hã.” Ãne duré 'Re ihâimana u'âsi mono mreme na rob'ui'éré amo hã: “Wa hã uburé Danhib'apito uptabi hã wa za i'uwaibaba uptabi na si te 're da'ahâ za'ra, dawasété na ĩsiwaprosi te 're ida'awaihu'u mono zéb zarina.”

Hebreu 9:27

Misi haré te za aihĩni 're dadâ'â za'ra. Taha parip si te za 'Re ihâimana u'âsi mono hã niwapsi da'awaihu'u, dawẽ na duré dawasété na zama, taha zarina te te oto dama 're arowairébé mono da hã.

Apocalipsi 18:8

Ãne te te nasi si'ãma nharĩ wa, te za niwapsi rob'manharĩ pipa hã bâtâ na õne haré sô watobro, dahâzé hã, duré dadâ'âzé hã, duré mra hã. Tawamhã uburé Danhib'apito uptabi, 'Re ihâimana u'âsi mono hã iwasédé te te ãma ihiri hã waihu'u pese uptabi wa, te za uprosi unhama na, pi'õ hã.

1 Samuéu 24:12

Tahawa, te za Wanhib'apito si wawaihu'u, marĩ na wa te ãma i'upa na hã. E a hã e wa hã. Tahawa ĩma iwẽ õhõ si te te aima rob'manharĩ da, ĩzada aihâimanazéb zarina. Tane nherẽ, wa hã te i'ai'wapé da hã mare di.

1 Samuéu 24:15

Tahawa, te za Wanhib'apito 'Re ihâimana u'âsi mono si wawaihu'u, nimahã wa te i'upazém na hã, e a hã e wa hã. Wa tiwi waptẽ, te te ĩwaihu'uzéb zarina, ĩ'ãma sisaprĩ da, duré taha zarina te te aiwi ĩnho'reptu da hã.

1 Samuéu 25:26

Wanhib'apito 'Re ihâimana u'âsi mono hã ma tô aiwi sawi asi'ruiwa'âbâ tõ da, duré asitob'ru norĩ uprosi tõ da. Tahawa, ãhã na hã wa tô sena aima waihu'u Wanhib'apito nhisi na hã. Tô sena te za asitob'ru norĩ ma rob'manharĩ za'ra ni za, Nabau ma da te tãma irob'manharĩ ne. Te za uburé te te aima rob'manharĩ za'ra da, te te sima iwẽ za'ra norĩ ma zama tãma rob'manharĩ za'ra ni za.

1 Samuéu 25:38

Tawamhã 10 na bâdâ ãma morĩ parip si, ma tô 'Re ihâimana u'âsi mono hã azâ Nabau hã. Tahawa, ma tô oto dârâ, õne haré.

1 Samuéu 25:39

Tawamhã Dawi, Nabauhu dâ'âzé te te waihu'u wamhã, te ãne tinha: — Wanhib'apito 'Re ihâimana u'âsi mono ãma 're wawata za'ra wa'aba mono! Ta hã ma tô ĩ'ruiwa'â, Nabau ĩ'ãma iwasété'wa na hã. Ãne ma tô ĩpawapto, isib'a'uwẽ marĩ te 'manharĩ wasété tõ da hã. Wanhib'apito ma tô tãma rob'manha Nabauhu ma hã, wasété uptabi wa. Tawamhã Dawi hã ma tô romreme hã tãma tisõ, Abigaiuhu ma ãma mro da hã.

1 Samuéu 31:4

Tawamhã Sau ma tô tãma isimnhi'ãsi 'wapéi'wai ma tinha ãne: — Ma'ãpé ĩzada wazere ate sib'ézé 'wapa hã ãma ĩwĩrĩ da, filisteu iwasété norĩ hã ĩ'ãma sima to za'ra tõ da, duré ta norĩ hã te te siwi ĩwĩrĩ tõ da. Tane nherẽ, isimnhi'ãsi 'wapéi'wa ma tô tipahi pese. Tahawa, te te sima wẽ õ di, ãne hã te te tãma i'manharĩ da hã. Tahawa, ma tô Sau hã tite sib'ézé 'wapa hã ti'â. Tawamhã si'uihâ na itẽme simei wa, ma tô oto 'râwi taha na sima apese.

1 Samuéu 31:6

Ãne ma tô Sau norĩ tidâ'â za'ra taha bâtâ na hã si'ubdatõ i'ra hâiba norĩ me hã, duré tãma isimnhi'ãsi 'wapéi'wa zama. Duré uburé Sauhu te dasi'wapéi 'manharĩ'wa norĩ zama ma uburé ai'utõ.