1 Samuéu 25:8 - ꞌRe Ihâimana Uꞌâsi Mono Zadawa Wasuꞌu

⁸ Ma'ãpé asimizama 'madâ'â'wa norĩ sadanharĩ za'ra na, te te aima wawasu'u za'ra da. Dawi hã te we aiwi rowaptẽ, wawaibui wẽ da, datozé bâtâ na we wasi'aba'ré dâ'âsina. Ãne wa, ma'ãpé aima romhuri'wai ma, marĩ wama sõmri za'ra na, duré asiwaihu aima isawi Dawihi ma zama.”

1 Samuéu 25:8 ပူးပေါင်းရင်းမြစ်များ

Luca 11:41

Tahawa, ma'ãpé isibrob'õ norĩ ma, 're asõprub za'ra wa'aba mono. Ãne dama 're 'manharĩ za'ra wa'aba mono wamhã, asimirosa'rata wẽ na, te za te te 're ai'awaihu'u 'wa, 'Re ihâimana u'âsi mono hã.

1 Samuéu 24:11

Ĩnhib'apito, ma'ãpé ai'uza nhizâri hâiwa'õno hã 'madâ'â ĩnhib'ratamhã. Wa hã wa tô aiwi anhizâ, ai'uza hâ 'rãsudu hã. Tane nherẽ, wa hã te aiwĩrĩ õ di. Ã hã te za iwaihu, wa hã te rosa'rata õ di, asada ĩhâimana da hã, duré ĩwasédé te ai'ãma i'manharĩ da hã. A hã ĩzô 're airĩtĩ mono zé hã ĩwĩrĩ da, te waihu'u pese nherẽ, tane nherẽ, wa hã te ai'wapéi õ di tô.

1 Samuéu 25:9

Ãne te te tãma waihu'u za'ra pari, ma tô ai'aba'ré, ai'reputu norĩ hã. Oto itẽme sihutu wamhã, ma tô tãma mreme wasu'u za'ra Dawi hã, Nabauhu ma, isisi na. Taha pari, te oto mapari za'ra, te te ãma isada'âbâ za'ra zéb zô asa.

1 Samuéu 3:6

Tawamhã Uburé Danhib'apito te duré 'mahârâ zahu, Samuéu hã. Tahawa, ma tô duré udu. Ma tô duré mo, Erihi za'warizéb u. Ãne te sadanharĩ na sahu duré: — Ĩnhib'apito, e te ĩ'mahâ. Ĩ'mahârâ wamhã, ãhãta wa za, ai'rata. Tane nherẽ, ma duré ãma sada'â, ãne: — Ĩ'ra, te ai'mahârâ õ di. Mo oto apâ aimorĩ, asimiwaptâ u.