1 Samuéu 25:6 - ꞌRe Ihâimana Uꞌâsi Mono Zadawa Wasuꞌu

⁶ Taha pari, te za oto tãma irowasu'u za'ra wa'wa ãne: Ĩsiwaihu, Dawi hã te we asawi. Rowẽ na 're aihâimana mono da si, te we aima tinha, ai'ra norĩ zama duré uburé aima 're ihâimana za'ra mono norĩ zama.

1 Samuéu 25:6 ပူးပေါင်းရင်းမြစ်များ

Zenezi 43:23

Tawamhã 'ri 'madâ'â'wa asa ma te ãne ãma sada'âbâ za'ra: — Asima iwẽ na aihâimana za'ra wa'aba, aipahi za'ra wa'aba ãna. Ãté 'Re ihâimana u'âsi mono, ate za'ra wa'wa hã, duré aimama te wa'wa hã ma tô rob'uiprazé apâ hã aima séme za'ra wa'wa. E marĩ wa. Wa hã wa tô irowa'âbâ za'ra wa'aba zé rob'uiprazé hã ti'â tô. Tawamhã 'ri 'madâ'â'wa ma tô Simiã itẽmeb za'ra hã oto saprõ.

Luca 10:5

Duré, danhorõwa u 're aihutu aba mono wamhã, te za a'â 're idazawi za'ra wa'aba mo, rowẽ na 're dahâimana za'ra mono da.

Zuwã 14:27

— Rowẽ na si 're anomro aba mono zéb si, wa za oto aima pisutu za'ra wa'wa, ĩ'ãma 're aipẽ'ẽzé za'ra wa'aba mono tõ da, duré asina 're aihâtâ'â za'ra wa'aba mono ãna, 're anomro aba mono da. Taré te aima pisutu za'ra wa'aba õ di. Ĩzazei'õ'wa norĩ nhimipisutuzém nei õ di, ĩnhimipisutuzé hã.

1 Tesalonita 3:8

Ãne wa, wahâtâ'â ãna wa oto 're wahâimana za'ra apâ, Wanhib'apito ãma asiptete sina ãma 're anomro aba mono wa.

2 Tesalonita 3:16

Wanhib'apito wi, wama rowẽ nhomri'wai wi, wa wa te 're rowaptẽrẽ za'ra, rowẽ u'â hã ai'ãma 're hâimana u'âsi za'ra wa'aba mono da.

1 Timotiu 5:6

Pi'õi mrotõ hã, ãté ãne 're 'maihâimana mono õ di za. Ãté marĩ zô si te za sina 're simnhasi u'âsi. Ãne wamhã, ipẽ'ẽ 're dâ'â u'âsi ne, te za oto 're 'maimo.

1 Samuéu 25:5

Tahawa, ma tô 10 na ai'reputu norĩ hã satõrĩ za'ra Carmeru u hã. Taha wana ré ma tô ãne tãma waihu'u za'ra: “Ĩmreme hã te za asiwi i'âri 'wa, Nabauhu ma. Tawamhã asiwi sõpẽtẽ aba wamhã, te za asiwi isawi wa'wa, ĩnhisi na.