1 Samuéu 25:43 - ꞌRe Ihâimana Uꞌâsi Mono Zadawa Wasuꞌu

⁴³ Dawi hã ma tô aré timro, Aino'ã na isisi ãma hã, 'ri'ahâ Zezereu na isa'ru nhisi hawim na. Tawamhã ma tô duré Abigaiuhu ãmab zama timro.

1 Samuéu 25:43 ပူးပေါင်းရင်းမြစ်များ

Zenezi 2:24

Ãne wa, te za aibâ, timama tina me te te 're rẽme zahuré, timro me si, sina sihâiba sitom haré 're hâimana zahuré mono da oto. Tawamhã te za maparane ihâiba nherẽ, misi dahâiba ne oto siré 're hâimana zahuré.

Mateu 19:5

Ãne ma tô duré roti 'Re ihâimana u'âsi mono hã, ibaihâ na hã: “Tahawa, aibâ hã 're mro za'ra mono wamhã, te za timama norĩ hã te te 're rẽme za'ra, timro me si siré 're simasisi zahuré mono da oto. Sina 're hâiba sitob zahuré mono wa, maparane na ihâiba nherẽ, misi ihâiba ne, te za siré 're simasisi u'âsi zahuré oto.” Ãne 'Re ihâimana u'âsi mono nhimiroti 'rata na rob'ui'éré hã.

Mateu 19:8

Tawamhã Zezusi hã te asa tãma nharĩ za'ra, ãne: — Ta hã Mozési hã aipẽ'ẽ tete za'ra wa'aba wa, ma tô ãne na te te aima 're roti za'ra wa'wa. Tane nherẽ, ropoto na'rata hawimhã, ãne na 're iromhâimana mono zé hã hâimana õ di.

1 Samuéu 27:3

Tawamhã Dawi norĩ hã tite aibâ norĩ me ma tô oto tame 're hâimana za'ra, Gati ãma 'ra ré, duré mro ré. Dawihi me ma tô imro norĩ hã 're hâimana zahuré, ãne isisi zahuré hã: Aino'ã, Zezereu na isa'ru nhisi hã, duré imrotõ hã Abigaiu, Nabau na i'amo'aba nhisi hã aré Carmeru na isa'ru nhisi ãma hã.

1 Samuéu 29:11

Tawamhã ãne ma tô Dawi tisiré aibâ norĩ me hã ti'utu za'ra mararé uptabi, si'aba'ré da apâ, Filistéa na 'ri'ahâ nhisi u. Tahawa, filisteu norĩ hã ma tô ai'aba'ré, Zezereu u.

1 Samuéu 30:5

Tawamhã Dawihi mro pi'õ norĩ hã ma tô dazu tiwi saprõni zahuré ni, Aino'ã na isisi hã Zezereu na isa'ru nhisi hã, duré Abigaiu imrotõ, Nabau na i'amo'aba nhisi hã tiwi idâ 'ri'ahâ Carmeru na isisi ãmamhã.