1 Samuéu 25:41 - ꞌRe Ihâimana Uꞌâsi Mono Zadawa Wasuꞌu

⁴¹ Tawamhã ãne te te tãma rowasu'u za'ra wa, ma tô Abigaiu hã hi'rãtitõ tãma tinhamra za'ra isõ'reb za'ra. Tahawa, ma tô ti'ubu na ropto ti'ai u hã. Tawamhã te ãne tinha: — Wa hã Dawihi ma romhuri'wa. Tahawa, tãma romhuri'wa norĩ hã ĩma wẽ di, te oto ipara upsõ za'ra da si.

1 Samuéu 25:41 ပူးပေါင်းရင်းမြစ်များ

Zenezi 18:4

 hã wa za dama ti'ru, da te we dasiwi 'mai'a'âri da, ãma asipara upsõ za'ra wa'aba zéb da hã. Taha parip si te za rowede zahâpâmhã aiwa'utu za'ra wa'wa.

Provébiu 15:33

Ni'wa hã Uburé Danhib'apito te te 're wazé pese mono wamhã, te za tinhimiza'resezé hã waihu'u. Duré ni'wa dama wapu na 're isi'madâ'â mono zarina, te za da te dasiwi 're wazé.

Provébiu 18:12

'Râwi 're idasi'madâ'â ze za'ra mono na hã te za ãma 're dasiwamnarĩ za'ra. Tane nherẽ, ni'wa dama wapu na 're isi'madâ'â mono zarina, te za da te dasiwi 're wazé pese.

Marcu 1:7

Ãne te te oto dama 're rowasu'u: — Ĩza'u si te za ĩma ipire uptabi hã wei wi. Ĩma pire uptabi wa, ipara'uza wasisizé, te duré tãma wasihu waihu'u õ di za.

Ruti 2:10

Tawamhã Ruti ma tô hi'rãtitõ nhamra. Ti'ubu na ma tô ropto, ti'ai u hã. Tawamhã te Buazihi ma tinha, ãne: — E tihai wa, ma tô ĩwẽsã, tiha hã ĩma i'manharĩ wẽ zéb da hã, wa hã dasiré a'uwẽ õ nherẽ.

Ruti 2:13

Tawamhã Ruti ma tô Buazihi ma tinha, ãne: — Apito, wẽ na te ĩpawapto mo. Ĩma inharĩ wẽ mono zém na ma ãma ĩma irowẽ waze, wa hã aima romhuri'wa norĩ sipi'õ norĩ ma, ĩwapure nherẽ.

1 Samuéu 25:23

Tawamhã Abigaiu, Dawi te te oto 'madâ'â wamhã, ma tô waptu na sa'ẽtẽ si'ra awaru po'repore hawimhã. Tawamhã ma tô hi'rãtitõ tãma nhamra isõ'remhã. Ma tô duré ti'ubu na tãma ropto, ti'ai u hã.

1 Samuéu 25:40

Tawamhã tãma romhuri'wa norĩ hã ma tô ai'aba'ré Carmeru u hã. Tahawa, te ãne tãma rowasu'u za'ra, itẽme sihutu wamhã: — Dawi hã ma tô we asô wazatõrĩ za'ra, wa te wasiwi asaprõni da, ãma aimro da.