1 Samuéu 25:38 - ꞌRe Ihâimana Uꞌâsi Mono Zadawa Wasuꞌu

³⁸ Tawamhã 10 na bâdâ ãma morĩ parip si, ma tô 'Re ihâimana u'âsi mono hã azâ Nabau hã. Tahawa, ma tô oto dârâ, õne haré.

1 Samuéu 25:38 ပူးပေါင်းရင်းမြစ်များ

Salmu 104:29

A hã tiwi 're ai'rã sipizari za'ra mono wamhã, te pahi na 're hâimana za'ra. Duré aipẽ'ẽzani tãma 're i'anhomri mono, tiwi 're anhihâri mono wamhã, te za 're dâ'â za'ra. Tawamhã te za apâ 're siti'azaprub za'ra.

Ezodu 12:29

Tawamhã mara wa'wa ma tô 'Re ihâimana u'âsi mono hã te te dawi uprosi, aibâ dama ipoto'rata za'ra mono hã, Ezitu ãma 'ri mono bâ 're ihâimana za'ra mono norĩ 'ra hã, apito 'ra, timama uirĩ na za dama pire na 're ihâimana mono tẽme, dazazéb 're, imama 're isãmra mono 'ra u. Da'upsãtã mono bâ ma tô uburé pese da'ra hã aibâ dama ipoto'rata za'ra mono hã te te dawi uprosi. Duré danhimizama aibâ na ipoto'rata za'ra mono zama ma tô te te dawi uprosi, 'Re ihâimana u'âsi mono hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 12:23

Tawamhã awa'awi ma tô hâiwa ãma Wanhib'apito ma romhuri'wa hã azâ, ihâzé pire na, Erodi hã. 'Re ihâimana u'âsi mono ãma si 're idawata za'ra mono zé hã te te sima sawi wa, ma tô azâ. Marĩ hã isãna wai'u ne hã ãma sépu'u wa, ma tô oto dârâ, Erodi hã.

1 Samuéu 25:33

Wẽ uptabi di ãhã na a hã i'manharĩ hã ĩpawaptobzém na. Wa hã wa tô aré ĩsima rowairébé, marĩ iwasédé te 'manharĩ da hã. Wa tô duré aré ĩsima wẽ, 'râwi ĩsi'ruiwa'âbâ da hã.

1 Samuéu 26:10

Sena na 're ihâimana u'âsi mono ne Wanhib'apito, tô sena te za tô taha si tiwĩ Sau hã, ite bâdâ hã tãma wisi wapsi, idâ'âzéb da hã, niha wamhã tô, dasi'wapéi u.

1 Samuéu 6:9

Ma'ãpé aipo're pese za'ra wa'aba. Powawẽ norĩ wedewara zapore hã 'rinho'u Bete-Semesi nho'õmo te te sari zahuré wamhã, ã hã te wasu'u, Izaraéu nhihudu norĩ te, 'Re ihâimana u'âsi mono hã ipire na te te iwahâ za'ra zé. Duré ãnei õ wamhã, te te isari zahuré zé hã, wa za wa norĩ hã waihu'u za'ra ni, õhõ nhimihâzéb õ na hã, da'wa're na hã, tô sapa'abâ wa'ãma iwairébé mono na hã.