1 Samuéu 25:33 - ꞌRe Ihâimana Uꞌâsi Mono Zadawa Wasuꞌu

³³ Wẽ uptabi di ãhã na a hã i'manharĩ hã ĩpawaptobzém na. Wa hã wa tô aré ĩsima rowairébé, marĩ iwasédé te 'manharĩ da hã. Wa tô duré aré ĩsima wẽ, 'râwi ĩsi'ruiwa'âbâ da hã.

1 Samuéu 25:33 ပူးပေါင်းရင်းမြစ်များ

Provébiu 13:14

I'rãiwaihu'u wẽ norĩ nhimiroti hã rowẽ na 're idahâimana za'ra mono zém na'rata da hã te dama 're hâimana. Ta hã te za dadâ'â da, 're idasisitob za'ra mono zé wi, te te 're da'apawapto, roti iwẽ hã.

Provébiu 17:10

Ni'wa i'rãi waihu'u wẽ ma, da te pẽtẽ wamhã, te za tihâimana pese zé hã sina uze, te te waihu'u wẽ wa. Tane nherẽ, isimiza'rese'õ hã 100 na da te 're pré'é mono nherẽ, siwaihu'u su'u õ di, tiwasété na hã.

Provébiu 25:12

Ni'wai ma, i'rãiwaihu'u wẽ te te tãma ipẽne hã te te iwapari ze zé hã, danhiptõmo hi wasisizé oru na i'manharĩ nhipai u iwẽ uptabi, duré oru na marĩ da te 're i'manharĩ za'ra mono norĩ nhipai u zama iwẽ.

Provébiu 27:21

Ẽtẽ waipo pré oru hã, ẽtẽ waipo prã prata me, te za unhama na da te 're pibu za'ra, i'uptabi zô. Tane te za duré iwẽ norĩ hã sena zô da te 're pibu za'ra.

Provébiu 28:23

Ni'wa, tisiré ma, te te pẽtẽ wamhã, romhutu'õmhã te za ãma rosa'rata wẽ pese, isiré te te tãma ipẽtẽzém na hã. Tane nherẽ, taré tisiré ma mreme su'u nherẽ, te te tãma robzanhamri wamhã, tãma wẽ õ di za oto niwamhã.

Provébiu 9:9

Ni'wa i'rãi waihu'u wẽ ma, marĩ na ãma tãma 're roti mono wamhã, te za ti'rãi waihu'u wẽ hã te te ãma sima 're sa'ẽtẽ. Duré i'uwaibaba si 're imorĩ ma, marĩ na ãma tãma 're rowaihu'u mono wamhã, te za ti'rã nhimiza're hã te te sima 're sa'ẽtẽ.

1 Samuéu 24:19

E ni'wa hã te aré tinhitob'ru hã satõ, dâ'â ãna morĩ da hã, te te âri parimhã asine. Mare di. Tahawa, te za Wanhib'apito hã iwẽ na hã aipawapto, ã bâtâ na ĩma i'manharĩ wẽ zé wa'rãmi.

1 Samuéu 25:26

Wanhib'apito 'Re ihâimana u'âsi mono hã ma tô aiwi sawi asi'ruiwa'âbâ tõ da, duré asitob'ru norĩ uprosi tõ da. Tahawa, ãhã na hã wa tô sena aima waihu'u Wanhib'apito nhisi na hã. Tô sena te za asitob'ru norĩ ma rob'manharĩ za'ra ni za, Nabau ma da te tãma irob'manharĩ ne. Te za uburé te te aima rob'manharĩ za'ra da, te te sima iwẽ za'ra norĩ ma zama tãma rob'manharĩ za'ra ni za.

1 Samuéu 25:31

Ãne uburé tiha iwẽ aima hâimana wamhã, a hã i'asiwẽ'õ da hã maze di za. E tihai wa. Niwamhã asima iwẽ na hã siwa'ru da'maiwĩrĩ õ wa, duré asi'uihâ na niwamhã 'râwi asi'ruiwa'âbâ õ wa. Tahawa duré nimahãna Wanhib'apito 'Re ihâimana u'âsi mono iwẽ na te te aipawapto wamhã, ĩ'ãma hã aipo're si'âri õ di za.