1 Samuéu 25:27 - ꞌRe Ihâimana Uꞌâsi Mono Zadawa Wasuꞌu

²⁷ Ma'ãpé, ĩnhoprubzé te we aima i'âri hã asiwi wẽ'õ ãna te za i'â, ate dasi'wapéi 'manharĩ'wa norĩ ma, sõmri za'ra da.

1 Samuéu 25:27 ပူးပေါင်းရင်းမြစ်များ

Zenezi 33:11

Tahawa ma'ãpé ĩzawi na hã aima ĩnhoprubzé te we isimroi mono hã asima wẽ za'ra na. 'Re ihâimana u'âsi mono ma tô iwẽ na si ĩma 're hâimana. Tahawa uburé marĩ ĩwi sô 're irobaba mono hã ma tô te te ĩma 're anhomri. Tawamhã Zaco, Ezauhu ma hã te te nasi tãma 'ruzadawa za'rei'õ wa, ma tô oto sima wẽ.

Provébiu 18:16

Dama ipire ma nharĩ da, asima wẽ wamhã, asibzari taré tãma âri, sitẽme te te ai'âri su'u da.

2 Corĩtu 9:5

Tahawa, wa tô ãne rosa'rata ĩsima, wasisãnawã norĩ hã ĩsisõwa te ãma atẽme satõrĩ za'ra wa'aba da, rob'uiprazé ubumro na te te aipawaptob za'ra wa'aba da, asiwi 'rã'õtõ pari aba hâ ĩzô, ĩma iropisutu za'ra wa'aba zéb zarina. Tawamhã ãma atẽme ĩwisi za'ra wa'aba wamhã, õne haré wa za ti'â, asi'uihâ na ato sina, dama asõprub za'ra wa'aba zém na, da te dasiwi aiwaihu'u za'ra wa'aba da.

Zuize 4:10

Tawamhã Baraqui, Zébulõhõ nhihudu norĩ a'uwẽ, Naftalihi nhihudu norĩ a'uwẽ me Quedesi u da, te te pisutu za'ra wamhã, ma tô aibâ norĩ 10 miu na isiré ai'aba'ré. Tawamhã Débora ma tô duré ime mo.

1 Samuéu 25:42

Tawamhã ma tô wara sina wahudu, awaru po'repore na sarõtõ da hã oto. Tahawa, 5 na tãma romhuri'wa sipi'õ norĩ ré hã ma tô mo, Dawihi ma romhuri'wa norĩ siré. Tawamhã ma tô oto ãma timro.

1 Samuéu 30:26

Tawamhã Dawi Zicradi u apâ wisi wamhã, ma tô marĩ hã tinhitob'ru norĩ wi te te iwaibu za'ra hã, tisiwaihu'u norĩ ma sõmri za'ra, Zuda ti'ai ãma dama i'rãnho'õmo norĩ ma. Tawamhã ãne rob'ui'éré na hã ma tô tãma nharĩ za'ra: — Ã hã ate za'ra wa'aba da, wa ãma aima sõmri za'ra wa'wa, Wanhib'apito 'Re ihâimana u'âsi mono nhitob'ru norĩ wi, wa te irowaibu te aima ãma ipo'o za'ra wa'wa hã.