1 Samuéu 25:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã ipara ãma ti'ubu na te te roptop sina te ãne tãma tinha: — Ĩnhib'apito, ma'ãpé ĩwapari. Ĩ'ãma si hiri ĩwasédé hã.

1 Samuéu 25:24 ပူးပေါင်းရင်းမြစ်များ

Zenezi 44:18

Tawamhã Zuda, Zuzéhé u 'râwi pesere te te sina ropto wamhã, te ãne tãma tinha: — Apito, ma'ãpé ĩzawi na hã a'â bâdâ ĩma sa'ré na, ĩsima iwẽ na ĩnhiptete sina te aima nharĩ da. Ĩzada asahi tõ, a hã danhipai u apito uptabi ne aihâimana dâ'âsina.

Provébiu 25:15

Dahâimana wahâ zarina, te za dama ipire norĩ hã marĩ na te te ãma 're dazaze za'ra. Duré danhimirobzanhamri wẽ hã te za ropire hã te te 're uprosi za'ra.

Mateu 18:29

— Tawamhã isiré romhuri'wa ma tô hi'rãtitõ nhamra ipapara, te te tiwi rowaptẽrẽ da, ãne: “Ma'ãpé, a'â ĩzapari ze na suru na. Wa za tô aima tisõ uburé, isõwa're'remhã.”

1 Samuéu 24:8

Tahawa, ma tô Dawi hã isarina watobro. Tawamhã te ãne duré 'mahâ: — Apito Sau! Ãne wa, ma tô Sau hã aipi'ra sibabarãi u. Tawamhã Dawi hã te te iwazéb zarina ma tô hi'rãtitõ tãma nhamra. Ma tô duré ti'ubu na tãma ropto, ti'ai u.

1 Samuéu 25:23

Tawamhã Abigaiu, Dawi te te oto 'madâ'â wamhã, ma tô waptu na sa'ẽtẽ si'ra awaru po'repore hawimhã. Tawamhã ma tô hi'rãtitõ tãma nhamra isõ'remhã. Ma tô duré ti'ubu na tãma ropto, ti'ai u hã.

1 Samuéu 25:25

Nabau hã waparire tõ. E tihai wa. Tiha dai õre di ta hã tarére hã. Tô ibâ õhõ nhisi te te iwasu'u hã: Isimiza'rese'õ. Duré wa hã tô te 'madâ'â za'ra õ di, aima romhuri'wa ãma isatõrĩ za'ra hã.

1 Samuéu 25:28

Ma'ãpé siwa'ru tiha na ĩwasédé te i'manharĩzém na hã ĩ'ãma 'madâ'â õ di za. Wanhib'apito 'Re ihâimana u'âsi mono te za aipisutu za, asi'apito da hã, duré asihudu norĩ zama si'apito za'ra da hã. E tihai wa. A hã 'Re ihâimana u'âsi mono te te aima i'ruzéb zarina dasi'wapé hã i'upana 're 'manharĩ mono õ wa. Tahawa, tiha hã iwasédé hã ai'ãma 're hâimana mono õ di za, 're aihâimana mono ré hã.