Tawamhã 'ri nho'õmo hawimhã ma tô oto wairé. Tane nherẽ, zahadu sina pahâ za'ra õ ré, te Zuzé tinhorõwa 'madâ'â'wai ma tinha ãne: — Mo oto aibâ norĩ zarina sa'ẽtẽ aimorĩ za'ra na. Tawamhã 'râwi sasimri za'ra wamhã, te za ãne tãma inharĩ za'ra za: “E marĩ da, ma aiwétési iwẽ wa'rãmi iwasété na si asiwi iwa'âbâ 'wa.
1 Samuéu 25:21 - ꞌRe Ihâimana Uꞌâsi Mono Zadawa Wasuꞌu21 Dawi hã ma tô aré sima rosa'rata ãne: “E marĩ da, wa tô merẽ aiwétési ã hã aibâ nhimarĩ hã a'ubuni wimhã 'madâ'â wẽ. Wa norĩ hã marĩ wa te tiwi simi'uri za'ra õ nherẽ, iwẽ si wa te tãma 'manharĩ za'ra nherẽ, ma tô iwasété na si wama wa'âbâ za'ra. အခန်းကိုကြည့်ပါ။ |
1 Samuéu 25:21
19 ပူးပေါင်းရင်းမြစ်များ
Ãhã wasu'u na, wa za oto ĩnhimirowasu'u na hã aima 'rãsutu za'ra wa'wa. 'Râwi dasi'uihâ na 're idasi'ruiwa'âbâ za'ra mono zém na hã da'ãma 're sasõmri za'ra wa'aba mono õ di za. Marĩ iwẽ si te za dama 're i'manharĩ wẽ u'âsi za'ra wa'aba mo, taha na dahâimana wasédé hã dawi 're uprosi za'ra wa'aba mono da, duré taha zarina, tô sena oto ai'ãma 're dasiwadi za'ra wa'aba mono da.
Nimahã na 're asiti'ru za'ra wa'aba mono wamhã, 're aiwasété za'ra wa'aba mono õ di za, aiwasédé hã 're 'manharĩ za'ra wa'aba mono tõ da. Duré asiti'rui ré bâdâ hã wahuré ai'ãma 're si'utõrĩ za'ra wa'aba mono tõ da, te za asiwi 're iwẽ'õ za'ra wa'aba mo, Wa'uburé nhimiwada'uri zarina aiwasédé hã 're 'manharĩ za'ra wa'aba mono tõ da dama.
Tahawa, te za oto 're irẽme pese za'ra wa'aba mo, aipẽ'ẽ na 're ida'ruiwapari za'ra wa'aba mono zé hã. Asiti'ru na 're i'aihâimana za'ra wa'aba mono zéb zama te za 're irẽme pese za'ra wa'aba mo, asahi duré 're i'aihâimana za'ra wa'aba mono zéb zama. Aimreme 'rãihâ sina, duré dama 're nharĩ za'ra wa'aba mono õ di za. Da'ãma zama duré 're wasété za'ra wa'aba mono õ di za. Duré dama 're rob'manharĩ wasété za'ra wa'aba mono õ di za oto.
Ni'wai ma iwẽ'õ hã da te 'manharĩ wamhã, te za 're asipawaptob za'ra wa'aba mo, asa marĩ iwẽ'õ hã dama 're 'manharĩ za'ra wa'aba mono tõ da. Marĩ iwẽ'õ hã da te aima 're 'manharĩ za'ra wa'aba mono nherẽ, iwẽ na si te za 're asipawaptob za'ra wa'aba mo, asa tãma ãma 're wa'rãmi za'ra wa'aba mono tõ da. Iwẽ na si te za asima 're i'manharĩ u'âsi za'ra wa'aba mo, asiré isazei'wa norĩ ma. Uburé te za dama 're i'manharĩ wẽ u'âsi za'ra wa'aba mo, a'uwẽ mono bâ.
Ãté 're aihâimana wẽ za'ra wa'aba mono 'ru te, te za da te aima 're rob'manharĩ wasété za'ra wa'wa. Ãne zarina, 're robzépata za'ra wa'aba mono wamhã, te za iwaihu'u za'ra wa'wa, 'Re ihâimana u'âsi mono te te sima 're aiwẽ za'ra wa'aba mono zéb zarina, a'â 're irobzépata za'ra wa'aba mono na. Ãne hã te te wama 're awẽ mono õ di, dama 're iwahâimana wasété za'ra mono zéb da hã. Dama 're wahâimana wasété za'ra mono wamhã, ãté te za da te 're wahâ za'ra. Ãne zarina, wa te 're robzépata za'ra mono wamhã, i'uwaibaba wa za tô wa te 're robzépata za'ra.
Duré asada 're dahâimana wasété za'ra wa'aba mono wamhã, asa dama ãma 're wa'rãmi za'ra wa'aba mono õ di za, aihâimana wasété na. Duré dapẽ'ẽ na taré da te 're ai'ruiwapari za'ra wa'aba mono wa, da te aima 're nharĩ za'ra wa'aba mono nherẽ, asa dama ãma 're wa'rãmi za'ra wa'aba mono õ di za, aimreme wasété na hã. Wamama wi si, te za ta norĩ ma 're iwaptẽrẽ za'ra wa'aba mo, iwẽ si te te tãma 're sõmri za'ra mono da, ta norĩ ma hã. Ãne da, ma tô Wamama hã sitẽme asô tihârâ za'ra wa'wa, iwẽ na si aima 're sõprub za'ra wa'aba mono da.
Tawamhã ma tô Dawi hã tãma nharĩ za'ra ãne: — Ma'ãpé ai'usisi na sib'ézé 'wapa asima séme aba! Tawamhã ãne te te tãma 'ru za'ra wa, ma tô imreme zarina sima sé. Dawihi zama ma tô tite sib'ézé 'wapa hã ti'â. Taha pari, ma tô oto watobro, tite aibâ norĩ 400 na ihâiba za'ra ré hã. Taha ré, ma tô 200 na ihâiba za'ra, asi ré hã isa'u za'ra a'â tihâimana za'ra.
Õ hã ma tô waihu'u, ate pone'ẽrebâ zéré mapure i'a zéré nhihârizé hã. Tawamhã te wama nharĩ za'ra, wa te aima wasu'u za'ra da, asimizama 'madâ'â'wa norĩ wame ihâimana za'ra rowẽ na ihâimana za'ra na hã, marĩ wa te tãma 'manharĩ wasété za'ra ãna. Carmeru ãma hâimana za'ra ré, duré isimarĩ za'ra hã wa te tiwi 'manhimi'uri za'ra õ di.
ကြော်ငြာတွေ