1 Samuéu 25:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã te tite romhuri'wa norĩ ma nharĩ za'ra ãne: — Ĩnhowa te za ai'aba'réi wa'wa, wa hã asa'u za'ra wa'aba ãma ĩmorĩ da. Ãne te te sima rowairébé nherẽ, timro ma hã te te wasu'u õ di.

1 Samuéu 25:19 ပူးပေါင်းရင်းမြစ်များ

Zenezi 32:16

Tawamhã Zaco taha na ma tô oto ãma sipo'o. Duré imono bâ i'madâ'â'wa da hã ma tô tinhib'a'uwẽ norĩ te te sõré. Tahawa, te ãne ta norĩ ma tãma waihu'u za'ra: — Taha ré te za ĩnhowa asima asa'o hâ na i'upsãtã mono bâ iré ai'aba'réi wa'wa.

Zenezi 32:19

Tawamhã isãna're, si'ubdatõ ãma, duré uburé i'madâ'â'wai mono bâ ihâimana za'ra ma, te ãne Zaco hã tãma nharĩ za'ra: — Ezau asiwi sõpẽtẽ aba wamhã, te za tô õne tãma inharĩ za'ra wa'wa.

Zenezi 32:20

Ãne na tãma irowasu'u za'ra wa'aba zéb da hã ãma aipo're si'âri za'ra wa'aba õ di za: “Asib'a'uwẽ Zaco hã zahadu te we waza'u za'ra mo.” Ãne Zaco ma tô rosa'rada sima 'manha: “Ezauhu ma, ĩnhoprum na ĩsisõwa te isõmri za'ra na hã wa za hâimana wahâ. Tahawa oto duré nimahã na wasisõpẽtẽ wamhã, ãté te za ĩ'âri wẽ.”

Zenezi 32:21

Tawamhã taha zarina ma tô, isõprubzéb hã, iwana te te simroi mono da hã, tinhib'a'uwẽ norĩ ma tãma rob'ru za'ra. Tane nherẽ, ma tô Zaco hã isa'u za'ra te te sima i'ri nharĩ 'remhã ãma ti'awẽ.

Provébiu 31:27

Niwamhã wa'a na 're hâimana mono õ di. Õne u'â te uburé 'ri 're, tinhimi'madâ'â norĩ hã te te 're ab'madâ'â pese.

1 Samuéu 14:1

Tawamhã nimahã bâtâ na te Zonata hã tãma tinha, tisi'wapézé âri'wai ma ãne: — Oto wane na ẽtẽ nhi'riti na bâdâdi uiwada niwĩ, filisteu norĩ te te sima i'ri nhoré za'ra zéb u. Tane nherẽ, Zonata, timama ma, te te wasu'u õ di, za marĩ te te i'manharĩzé hã.

1 Samuéu 25:20

Tawamhã Abigaiu, tite awaru po'repore te te saprõni ré, ma tô bâdâdi nhi'odo i'rãsipra ãma sõpẽtẽ Dawi hã, duré ite aibâ norĩ we pi'õi tẽme isi'aba'ré hã.

1 Samuéu 25:36

Tawamhã Abigaiu ma tô mo apâ, timro Nabauhu u hã. Ta hã dasa isa'ẽne hã apito te te sima 're i'manharĩ za'ra mono ne, 'ri paramhã te te 'manharĩ ré, ma itẽme wi, imro hã. Tahawa, ma tô si'rãiwamna. To ti duré. Tawamhã imro Abigaiu niha hã marĩ te te tãma wasu'u õ di. Awẽm na isi'rãiwamnarĩ zahu õ zéb ãmap si ma tô uburé tãma wasu'u. Tahawa, ma tô õne haré timorĩ'õ, siri siwamnarĩ wa.