1 Samuéu 25:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã ma tô Dawi hã tãma nharĩ za'ra ãne: — Ma'ãpé ai'usisi na sib'ézé 'wapa asima séme aba! Tawamhã ãne te te tãma 'ru za'ra wa, ma tô imreme zarina sima sé. Dawihi zama ma tô tite sib'ézé 'wapa hã ti'â. Taha pari, ma tô oto watobro, tite aibâ norĩ 400 na ihâiba za'ra ré hã. Taha ré, ma tô 200 na ihâiba za'ra, asi ré hã isa'u za'ra a'â tihâimana za'ra.

1 Samuéu 25:13 ပူးပေါင်းရင်းမြစ်များ

Provébiu 14:29

Ni'wa simirosa'rata ré 're ihâimana mono hã, 'rãi waihu'u wẽ ré 're ihâimana mono zé, te wasu'u. Tane nherẽ, i'rãi wa'ro su'u norĩ hã, te simiza'rese ãna 're ihâimana za'ra mono zém na hã 're sihâi'ré za'ra.

Provébiu 16:32

Iwa'ro su'u õ norĩ hã wẽ uptabi di, isib'ru norĩ, isiptete norĩ nhipai u. Duré 'ri ahâ ãma da te 're i'ai'uté mono zém nhipai u, marĩ da te 're 'manharĩ za'ra mono tõ da, dasiwi 're idanhimi'rãmi za'ra mono zé hã wẽ uptabi di.

Provébiu 19:11

I'rãi waihu'u wẽ norĩ hã dame 're si'rãi wa'ro su'u za'ra mono õ di. Duré dawasédé, da te tãma 're 'manharĩ mono nherẽ, te te da'ãma 're i'a'madâ'â mono õ zarina te za dasiwi da te 're wazé pese.

Provébiu 19:2

Ni'wai ma hã marĩ tãma waihu'u õ nherẽ, te te sima 're iwẽ mono te te 're i'manharĩ mono da hã wẽ õ di. Duré ni'wa wara sina marĩ te te 'manharĩ wamhã, te za ãma upa.

Provébiu 20:22

Ãne hã nharĩ tõ: “Ĩma rob'manharĩ wasété 'wai ma, wa za ãma tãma wa'rã, ĩsi'ruiwa'âbâ da!” Uburé Danhib'apito si 'madâ'â, niha hã taha si te te aima hiri wẽ da, aihâimanazé hã.

Provébiu 25:8

Ai'aba'ré na da'ãma rowairébézéb u aimorĩ tõ, marĩ i'madâ'âzé wasu'u da hã. E marĩ wa. Nimahã na za iwasu'uzém na ãma i'upa na hã da te aiwi upsibi me dâ'âsina. Ãhã wamhã, e marĩ te za i'manha.

Zozué 9:14

Tawamhã aibâ norĩ Izaraéu nhihudu norĩ hã ma tô tisa te te i'wasari hã suru na siwi tẽ'ẽ za'ra. Tane nherẽ, Uburé Danhib'apito wi, rowaihu iwẽ hã te te tiwi waptẽrẽ za'ra õ di.

1 Samuéu 22:2

Uburé aibâ norĩ tãma iropire za'ra hã, dama rowa'âbâ su'u õ 'wa norĩ, duré robzei ãna 're ihâimana za'ra mono norĩ hã ma tô uburé ai'rã'õtõ Dawi ihâimanazéb u hã. Tawamhã uburé ta norĩ ma, ma tô Dawi hã si'ĩ'rãnho'u, 400 na aibâ norĩ ihâimana za'ra ma.

1 Samuéu 23:13

Tawamhã Dawi tite dasi'wapéi 'manharĩ'wa norĩ me 600 na ihâiba za'ra norĩ me ma tô awa'awi wairé, Queira hawimhã. Siwa'ru te ai'aba'ré. Tawamhã Sau, Dawi hã Queira hawi isimanizé te te waihu'u wamhã, ma tô rosa'rata ma hã oto marẽ.

1 Samuéu 25:12

Tawamhã Dawihi hawi aibâ isi'aba'ré norĩ hã ma tô apâ ai'aba'ré. Tahawa, ma tô Dawihi ma sadawa wasu'u za'ra, Nabau te te tãma inharĩ za'ra zé hã.

1 Samuéu 27:2

Tahawa, ma tô oto Dawi hã mo, ãne te te sima rosa'rata wi, tite aibâ norĩ 600 na ihâiba za'ra norĩ ré, Aqui hã Ma'oquihi 'ra 're ihâimana mono zéb u, Gati na 'ri nho'õmo nhisi ãma danhib'ihâ'a hã.