1 Samuéu 25:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa, e marĩ da, wa za ĩte i'u'ẽtẽ wapu hã ĩma romhuri'wa norĩ ma da nherẽ aima 'manhomri za'ra wa'wa, duré ĩte â hã, duré ĩnhimizama te isimro norĩ hã. Aibâ norĩ ĩma iwaihu'u'õ norĩ, nima hawi we isi'aba'ré norĩ ma, te tãma isõmri za'ra da hã mare di.

1 Samuéu 25:11 ပူးပေါင်းရင်းမြစ်များ

2 Corĩtu 6:9

Wa norĩ hã daro mono bâ isazei'wa norĩ ma, wawaihu'u pese za'ra nherẽ, te ni'wam norĩ hã tarére na si te te wa'ãma 're rosa'rata za'ra. Wa te wasina 're romnhimimnhasi u'âsi za'ra mono wa, aré 're wadâ'â za'ra mono da nherẽ, wa zahadu wahâiba ré 're wahâimana za'ra. Da te 're wahâ za'ra mono nherẽ, da te dasiwi wa'uprosi waihu'u õ di.

Galata 6:10

Ãne wa, wama iwaihu'u pese zarina, wa za dahâiba mono bâ marĩ iwẽ na, wa te 're dapawaptob za'ra. Wa te 're idapawaptob za'ra mono zém nhipai u, wa za wasiré isazei'wa norĩ hã marĩ iwẽ na 're wasipawapto pese za'ra.

1 Pedru 4:9

Te za duré 're ida'mazasi wẽ za'ra wa'aba mo ari'iwi, 're dawata'ẽ za'ra wa'aba mono ãna.

Zuize 8:15

Tahawa Gidiã, Sucoti ãma aibâ norĩ 're ihâimana za'ra mono norĩ ma, te te tãma nharĩ za'ra da hã, ma tô mo. Ãhã wa, te ãne tãma nharĩ za'ra: — E ma tô aipo're pu'u za'ra wa'wa, nimahã na ĩ'ãma i'ato za'ra wa'aba zém na hã. Ma tô ĩma inharĩ za'ra wa'wa, ĩte dasi'wapéi 'manharĩ'wa norĩ te te ãma i'ãpusi za'ra norĩ ma, mra hã tãma sõmri za'ra wa'aba tõ da. E marĩ wa. Zahadu wa hã Zeba norĩ, Salmunahã me hã te mrami õ wa. Wẽ di. Marĩ õre di. Ãhãta te oto ãme wasiré aima'wara zahuré.

Zuize 8:6

Tane nherẽ, Sucoti ãma danhib'ihâ'a norĩ hã ma tô ãne ãma sada'âbâ za'ra: — E marĩ da, wa za ate dasi'wapéi 'manharĩ'wa norĩ ma isa hã tãma sõmri za'ra ni. Zahadu a hã, Zeba norĩ, Salmunahã me hã mrami zahuré õ di!

Zuize 8:8

Tawamhã Gidiã, Penué u ma tô mo. Morĩ wamhã, te te aré irowaptẽrẽzém ne ma tô tame aibâ norĩ wi duré aré rowaptẽ. Tane nherẽ, Penué ãma aibâ norĩ, Sucoti ãma te te ãma isada'âbâ za'ra zém ne, ma tô ãma sada'âbâ za'ra.

1 Samuéu 24:13

Duréihã wahi'rata norĩ te te sima 're inharĩ za'ra mono zé hã ãne: “Iwasété norĩ hawip si rowasété pusizé hã.” Tane nherẽ, wa hã ĩwasédé hã te aima i'manharĩ da hã mare di.

1 Samuéu 25:12

Tawamhã Dawihi hawi aibâ isi'aba'ré norĩ hã ma tô apâ ai'aba'ré. Tahawa, ma tô Dawihi ma sadawa wasu'u za'ra, Nabau te te tãma inharĩ za'ra zé hã.

1 Samuéu 25:7

Õ hã ma tô waihu'u, ate pone'ẽrebâ zéré mapure i'a zéré nhihârizé hã. Tawamhã te wama nharĩ za'ra, wa te aima wasu'u za'ra da, asimizama 'madâ'â'wa norĩ wame ihâimana za'ra rowẽ na ihâimana za'ra na hã, marĩ wa te tãma 'manharĩ wasété za'ra ãna. Carmeru ãma hâimana za'ra ré, duré isimarĩ za'ra hã wa te tiwi 'manhimi'uri za'ra õ di.