1 Samuéu 24:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã te Dawi tãma tinha ãne: — E marĩ da, ma tô iwapa danhimirowasu'u hã wa hã te ĩsima iwẽ na za marĩ iwasédé te aima i'manharĩ na hã.

1 Samuéu 24:9 ပူးပေါင်းရင်းမြစ်များ

Provébiu 16:28

Iwasété norĩ hã te za damreme na dasi'ahâri hã te te 're sani za'ra. Te za duré dasiwaihu'u iwẽ siré 're idahâimana za'ra mono zém hawimhã da'ãma 're siwãnhizari za'ra.

Provébiu 17:4

Iwasété norĩ hã te za tihâiba amoi mreme wasédé hã te te 're wapari pese za'ra. Duré isadawa nhipese norĩ hã te za senai'õ na rowasu'u hã te te 're wapari ze za'ra.

Provébiu 18:8

Dabâsi zei'wa norĩ mreme hã aiwa dasai wa'õtõre ise, dapẽ'ẽ u 're isisisi mono ne hã te 're hâimana.

Provébiu 25:23

Hâiwa nhimi'e hawi rowa'u, tã te te 're isani u'âsi mono ne, te da'madâ'â nhiti'ru na da'madâ'âzé hã te te dama 're sani za'ra.

Provébiu 26:28

Ni'wa isadawa nhipe, te te 're ida'a'ruiwapari mono zarina, te za te te ãma 're da'a'u'a, niha na hã. Imreme nhipe hã te za duré tinhimirob'rãmi na ropipa hã te te dazô 're azani.

Provébiu 29:12

Dama i'rãnho'u dazadawa nhipese na romreme te te 're wapari za'ra mono wamhã, te za uburé ipa'upari'wa norĩ hã tiwasété za'ra.

Tiagu 3:6

Tane danhoto hã unhama ro'o ne, te aiwa dama 're hâimana za'ra. Danhoto hawi, te za sipu'u pese na damreme wasédé hã te te 're ropé. Ta hawi te za 'râwi 're dasiwasété za'ra. Unhama ro hã te za danhimarĩ hã te te dawi 're uprosi. Tane danhoto wasété na, te za dahâimana wẽ hã da te dasiwi 're uprosi za'ra. Ropipa hawimhã te za damreme wasédé hã te te dama ãma 're sãna'rata, wa'uburé hã.

1 Samuéu 20:1

Tawamhã Dawi ma tô aimani Rama ãma 'Re ihâimana u'âsi mono zadawa 'mahârâ'wa norĩ nhorõwa hawimhã. Tahawa, ma tô Zonata 're ihâimana mono zéb u hã mo. Itẽme wisi wamhã, te ãne tãma tinha: — E marĩ te 'manharĩ bâ. E marĩ na wa tô ĩwasédé hã 'manha aimama wi hã, te te ĩwĩrĩ da, te te sima iwẽ hã.

1 Samuéu 20:41

Tawamhã ai'repudu hã morĩ pari, ma tô oto Dawi hã watobro, ẽtẽ tõmo wawẽ babarãi ãma isima'urizém hawimhã. Tahawa, ti'ai u waptã'ã wamhã, ma tô si'ubdatõ ti'ubu na hã ropto, ti'ai u hã. Tawamhã wawa sina ma tô sisawi zahuré, sitob'rata hârâ na hã. Tawamhã robzei'õ hã sa'ẽtẽ uptabi di Dawihi ma hã, Zonataha nhipai u.

1 Samuéu 24:10

Ãhã na te za a hã iwaihu, Wanhib'apito 'Re ihâimana u'âsi mono te te ĩma i'asõmrizé hã ĩnhib'rata. Ni'wam norĩ hã ma tô ĩma nharĩ za'ra, aré te aiwĩrĩ da. Tane nherẽ, te ĩsima wẽ õ di, ãne hã te i'manharĩ da hã. Tahawa, wa tinha ãne: “Ĩnhib'rada te isarõtõ da hã mare di ĩnhib'apito da hã, õ hã Wanhib'apito te te ipisutu wa, si'apito da.”

1 Samuéu 24:8

Tahawa, ma tô Dawi hã isarina watobro. Tawamhã te ãne duré 'mahâ: — Apito Sau! Ãne wa, ma tô Sau hã aipi'ra sibabarãi u. Tawamhã Dawi hã te te iwazéb zarina ma tô hi'rãtitõ tãma nhamra. Ma tô duré ti'ubu na tãma ropto, ti'ai u.

1 Samuéu 26:18

Te duré tãma tinha ãne: — E marĩ da, te bété asib'a'uwẽ nherẽ, we ĩzarina aimorĩ na hã i'uzusi mo. E marĩ te 'manharĩ bâ, iwasédé hã.

1 Samuéu 26:19

Apito, te za ĩwapa, za te aima inharĩzém na hã. 'Re ihâimana u'âsi mono, ĩzada aihâimana da, te te ai'rãi pi'rai wamhã, te za õ hã danhoprubzém na tãma asõpru wamhã tinhimirosa'rata na hã ai'ãma saprĩ za. Tane nherẽ, duré, ãne na hã nima norĩ aibâ te te siwi 'manharĩ wamhã, tô za ibâre 'Re ihâimana u'âsi mono nhimihâzé isisiwi waptã'ã za'ra da hã. E marĩ wa. Õ norĩ hã ma tô siwi ĩwaze, Wanhib'apito 'Re ihâimana u'âsi mono nhipti'a nhiti, wasiré a'uwẽ'õ norĩ nhipti'ai u, ro hã romhâibarĩ na si 're idawata za'ra mono zéb u.