1 Samuéu 24:22 - ꞌRe Ihâimana Uꞌâsi Mono Zadawa Wasuꞌu

²² Tawamhã Dawi ma tô tãma ropisudu hã 'manha, te te tiwi iwaptẽrẽzéb zarina. Taha pari, ma tô oto mo Sau hã, tinhorõwa u. Tane nherẽ, Dawi hã tite dasi'wapéi 'manharĩ'wa norĩ me, ma tô tisimanizéb u hã apâ ai'aba'ré.

1 Samuéu 24:22 ပူးပေါင်းရင်းမြစ်များ

Zenezi 21:22

Tawamhã Abimelequi, tô taha bâdâ we isisõré mono na ma tô Abra'ãhã ma, te te robzanhamri da hã itẽme mo. Duré taha wamhã Fico, ite dasi'wapéi 'manharĩ'wa norĩ 'madâ'â'wa hã ma tô isiré mo. Tahawa te ãne tãma tinha: — 'Re ihâimana u'âsi mono, uburé marĩ 're i'ab'manharĩ mono zém na hã te we asiré 're hâimana.

Zenezi 21:23

Tahawa, ma'ãpé ãme 'Re ihâimana u'âsi mono nho'a, asadawa nhipese ãna, ĩma, ĩ'ra norĩ ma, duré ĩnhihudu norĩ ma, asimiropisudu hã 'manharĩ. Wa hã wa tô iwẽ na aima ĩ'umnhasi sina 're ĩhâimana. Tahawa te za sena na ĩma iropisu, ĩma, duré ã hã ti'ai wa, 're i'asãmra mono ma, ai'umnhasi sina 're aihâimana mono da.

Zuwã 2:24

Tane nherẽ, da te dasina i'umnhasi za'ra na, te te sina damreme zazei õ di, Zezusi hã. E marĩ wa. Uburé danhimirosa'rada hã tãma waihu'u pese wa. Ni'wa i'upana te te tãma 're da'awaihu'u mono õ di, Zezusihi ma. Si'uihâ na ma tô te te 're da'awaihu'u, danhimirosa'rata na hã. Tahawa, tô sena da te dasina umnhasi za'ra õ wa, te te sina damreme zazei õ di, Zezusi hã.

1 Samuéu 23:29

Tawamhã Dawi hã ma tô oto watobro ta hawimhã. Ma tô mo, ro hã itẽme 're idanhisisi waihu'u mono õ u, Gedi na romnhisi u.

1 Samuéu 26:25

Tawamhã Sau ma tô ãma tãma wa'rã ãne, Dawihi ma: — Ĩ'ra, wa ĩsima aiwẽ, 'Re ihâimana u'âsi mono hã iwẽ si te te aima 're apisutu mono da. Uburé marĩ hã 're i'manharĩ mono hã te za wẽ na 're wairébé. Tahawa, Dawi hã ma tô oto apâ mo. Sauhu zama ma tô apâ mo, tinhorõwa u.