1 Samuéu 24:21 - ꞌRe Ihâimana Uꞌâsi Mono Zadawa Wasuꞌu

²¹ Tahawa, te za Wanhib'apito 'Re ihâimana u'âsi mono nhisi na ĩma iropisu, ĩnhihudu norĩ hã ĩwi uprosi tõ da. Ãne wamhã, ĩnhisi na duré ĩte a'uwẽ norĩ nhisi na hã 're dapo're si'âri za'ra mono õ di za.

1 Samuéu 24:21 ပူးပေါင်းရင်းမြစ်များ

Zenezi 21:23

Tahawa, ma'ãpé ãme 'Re ihâimana u'âsi mono nho'a, asadawa nhipese ãna, ĩma, ĩ'ra norĩ ma, duré ĩnhihudu norĩ ma, asimiropisudu hã 'manharĩ. Wa hã wa tô iwẽ na aima ĩ'umnhasi sina 're ĩhâimana. Tahawa te za sena na ĩma iropisu, ĩma, duré ã hã ti'ai wa, 're i'asãmra mono ma, ai'umnhasi sina 're aihâimana mono da.

Zenezi 31:48

Taha pari te Labã hã tinha ãne: — Ã hã ẽtẽ za'ra hã roti na iwasisazezém na wa te wasima iropisutuzém na ãma 're iwasipo're pu'u u'âsi mono zéb da hã te za 're sa. Tahawa ã hã romnhisi hã Galeedi na.

Zenezi 31:53

Abra'ãhã te, 'Re ihâimana u'âsi mono, duré Naoho te, 'Re ihâimana u'âsi mono, te za niha wasima wawasété zarina wa'ãma rowairébé'wa na hã 're hâimana. Tawamhã Zaco, imama Izaqui, 'Re ihâimana u'âsi mono te te 're iwazé mono nhisi na ma tô ropisudu hã 'manha.

Hebreu 6:16

Tane nherẽ, wa norĩ hã marĩ pire na wa te dama 're ropisutu za'ra mono wamhã, dama ipire norĩ nhisi na, wa za wa te dama 're ropisutu za'ra, sena na da te ãma 're wazaze za'ra mono da, duré da te ãma 're wawawã za'ra mono tõ da.

1 Samuéu 23:17

Tawamhã Zonata te ãne tãma tinha: — Aipahi tõ. Ĩmama Sau hã te te aima rob'manharĩ waihu'u õ di za. Tahawa, te za a hã asi'apito, Izaraéu nhihudu norĩ ma. Tawamhã wa hã wa za asahâpâ 're ĩhâimana. Ãne hã ĩmama te te waihu'u pese di.

1 Samuéu 25:28

Ma'ãpé siwa'ru tiha na ĩwasédé te i'manharĩzém na hã ĩ'ãma 'madâ'â õ di za. Wanhib'apito 'Re ihâimana u'âsi mono te za aipisutu za, asi'apito da hã, duré asihudu norĩ zama si'apito za'ra da hã. E tihai wa. A hã 'Re ihâimana u'âsi mono te te aima i'ruzéb zarina dasi'wapé hã i'upana 're 'manharĩ mono õ wa. Tahawa, tiha hã iwasédé hã ai'ãma 're hâimana mono õ di za, 're aihâimana mono ré hã.

1 Samuéu 25:30

Wanhib'apito 'Re ihâimana u'âsi mono hã te za uburé tiha iwẽ na hã ãma aima uwaimra, te te aima iropisutuzéb zarina. Te za duré tawamhã aipisutu, Izaraéu nhihudu norĩ ma asi'apito da hã.