1 Samuéu 24:18 - ꞌRe Ihâimana Uꞌâsi Mono Zadawa Wasuꞌu

¹⁸ Ã bâtâ na ma tô ĩma asihâimanazé hâi'ré, iwẽ ĩma i'manharĩzém na hã. E marĩ wa. Ĩwĩrĩ õ wa, Wanhib'apito hã te te aima ĩhâiba nhomri nherẽ, asib'rata.

1 Samuéu 24:18 ပူးပေါင်းရင်းမြစ်များ

Zenezi 38:26

Tawamhã Zuda, tinhimarĩ te te waihu'u zahuré wamhã, te ãne tinha: — Ĩnhipai u te i'uwaibaba na õ hã tihâiba. E marĩ wa. Wa hã wa tô tãma ropisutu aré, ĩ'ra Sela na mro da hã. Tane nherẽ, te tãma iropisutuzém na hã te ãma tãma uwaimrami õ di. Tawamhã Zuda, niwamhã te te oto upi wasété na hã sahu õ di.

Provébiu 25:22

Ãne 're 'manharĩ mono wamhã, te za asi'rui ma hã rowazé tãma 're isani mo. Taha zarina te za Uburé Danhib'apito iwẽ na hã te te aima 're awa'âbâ.

1 Samuéu 23:12

Tawamhã te duré Dawi sadanha ãne: — E tawamhã te za Queira ãma 're idahâimana za'ra mono norĩ hã Sauhu ma ĩhâiba nhomri za'ra za, duré ĩte dasi'wapéi 'manharĩ'wa norĩ zama. — Ĩhe! Wa za tô tãma aihâiba nhomri za'ra. — Ãne ma tô Uburé Danhib'apito hã ãma tãma wa'rã.

1 Samuéu 23:7

Tawamhã Sau, Dawi hã Queira u imorĩzém na da te dasiwi po're pu'u wamhã, ma tô ãne tinha: — 'Re ihâimana u'âsi mono hã ma tô oto Dawi hã ĩnhib'rata ĩma tisõ. 'Ri'ahâ 'wawi wa'ra 'rãihâ ãma 'ridawa za'ẽne isitoptete u ma tô mo. Tahawa da te 're idawaibui waihu'u pese mono zéb u ma tô sisẽ.

1 Samuéu 24:10

Ãhã na te za a hã iwaihu, Wanhib'apito 'Re ihâimana u'âsi mono te te ĩma i'asõmrizé hã ĩnhib'rata. Ni'wam norĩ hã ma tô ĩma nharĩ za'ra, aré te aiwĩrĩ da. Tane nherẽ, te ĩsima wẽ õ di, ãne hã te i'manharĩ da hã. Tahawa, wa tinha ãne: “Ĩnhib'rada te isarõtõ da hã mare di ĩnhib'apito da hã, õ hã Wanhib'apito te te ipisutu wa, si'apito da.”

1 Samuéu 24:19

E ni'wa hã te aré tinhitob'ru hã satõ, dâ'â ãna morĩ da hã, te te âri parimhã asine. Mare di. Tahawa, te za Wanhib'apito hã iwẽ na hã aipawapto, ã bâtâ na ĩma i'manharĩ wẽ zé wa'rãmi.

1 Samuéu 26:23

Wanhib'apito 'Re ihâimana u'âsi mono hã te 're inomro wẽ mono norĩ ma si te te 're awa'âbâ iwẽ na hã, te te sina 're i'umnhasi za'ra mono norĩ ma hã, duré sena na i'uwaibaba na si ãma 're inomro mono norĩ ma hã. Ã bâtâ na ma tô aré ĩma aihâiba nho ĩnhib'ratamhã. Tane nherẽ, ĩnhib'rada te sarõtõ õ di, 'Re ihâimana u'âsi mono, apito da, te te i'aipisudu te i'aiwĩrĩ da hã.

1 Samuéu 26:8

Tawamhã te Abisai Dawihi ma tinha ãne: — Ã mara na hã 'Re ihâimana u'âsi mono ma tô asitob'ru hã asib'rata aima tisõ. Ma'ãpé ĩma rowairébé, Sauhu ãma sa'ẽtẽ ite isi'uwazi 'rã'wa na te ãma romnhiptâ'â da. Ãhã wamhã te ãma isahu da hã mare di za ihâiba zapu'u na ti'ai u hã.