1 Samuéu 24:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã Dawi ãne na te te tãma nharĩ mono pari, ma tô Sau hã tãma tinha ãne: — E tô a hã Dawi, ĩ'ra. Tahawa, ma tô oto ãma amnhihâ wawa 'rãihâ na, Sau hã.

1 Samuéu 24:16 ပူးပေါင်းရင်းမြစ်များ

Zenezi 16:5

Tahawa Sara'i te Abrãhã ma tinha ãne: — A hã i'upai u'âbâmhã ma tô Aga siwi ĩwẽ'õ. Tô wa hã asib'rata te aima sõmri nherẽ, oto tiwasã na siwaihu'u wamhã, ma tô siwi ĩwẽ'õ pese tô. Tahawa, Uburé Danhib'apito si te za wawaihu'u, tiha na wa te i'upazém na hã, a hã wamhã, duré wa hã wamhã.

Zenezi 2:2

7 bâtâ ãma hã ma tô tinhimipodo hã te te apoto 'rãsutu. Tawamhã ma tô oto wa'udu, taha bâtâ na.

Zenezi 33:4

Tane nherẽ, Ezau, Zaco te te sõpẽtẽ da ma tô wara sina, sina uzusi. Te te sina uzusi wamhã, ma tô ibutu na hã sitẽme 'wani, te te sawi da, tino hã. Ma tô duré tob'rata hârâ na sawi. Tawamhã ma tô duré sina aiwa'õ zahuré, sipẽ'ẽ rĩ wa.

Provébiu 15:1

'Re dazahi za'ra mono nherẽ, damreme wẽ na da te ãma 're idazada'âbâ za'ra mono zé hã, te za atãma na dahâimanazéb u hã dawi ãma saprĩ ni. Tazahã, damreme tete na dazada'âbâzé hã te za dazahi hã ãma dama hâimo ni.

Provébiu 25:11

Damreme iwẽ hã aiwa bâtâ uwaibaba na da te dama 're iroti za'ra mono zé hã, aiwa ẽtẽ waipo pré oru na ropodo ẽtẽ waipo prã prata 'manharĩ na da te ãma isa'ra ne hã.

Luca 21:15

Wa hã wa za te 're aipawaptob za'ra wa'wa, danhib'apito norĩ ma, 're asiwasu'u za'ra wa'aba mono zéb da hã. Ãne wa, aimreme wẽ na te za aiwẽ'õ'wa norĩ hã 're isõwada za'ra wa'aba mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 6:10

Tawamhã 'Re ihâimana u'âsi mono pẽ'ẽzani hã ma tô tite hã rowaihu'u pese zé hã tãma tisõ, Estewãhã ma, mreme waihu'u pese da. Tahawa, aibâ norĩ ma, te te asa tãma ãma wa'rãmi za'ra wamhã, ma tô nasi mreme nhihâri za'ra.

Zuize 11:27

Mare di, wa hã! Marĩ te 'manharĩ õ di, taha u'âbâ asada ĩhâimana za'ra wa'aba da hã. Aiwétési ma iwasédé hã i'manha, ĩ'wapé da, asima iwẽzéb zarina. Uburé Danhib'apito si, da'ãma rowairébé'wa hã. Tahawa, te za taha si nimahã i'uwaibaba ma, tãma rowairébé zahuré, niha wamhã, Izaraéu nhihudu norĩ ma, niha wamhã duré amonita norĩ ma hã.

1 Samuéu 26:17

Tawamhã Sau hã ma tô mreme waihu'u, Dawi hã. Tahawa, te ãne sadanha: — E a hã Dawi, ĩ'ra. Tawamhã Dawi ma tô sada'â ãne: — Ĩnhib'apito, ĩhe, wa hã.

1 Samuéu 26:24

à bâtâ na wa hã te aiwazém ne, tane da hã wa Wanhib'apito wi waptẽ, te te ĩpawaptob da, uburé marĩ ipire hã te te ĩma 're ba'a mono da.