1 Samuéu 24:15 - ꞌRe Ihâimana Uꞌâsi Mono Zadawa Wasuꞌu

¹⁵ Tahawa, te za Wanhib'apito 'Re ihâimana u'âsi mono si wawaihu'u, nimahã wa te i'upazém na hã, e a hã e wa hã. Wa tiwi waptẽ, te te ĩwaihu'uzéb zarina, ĩ'ãma sisaprĩ da, duré taha zarina te te aiwi ĩnho'reptu da hã.

1 Samuéu 24:15 ပူးပေါင်းရင်းမြစ်များ

Zuize 11:27

Mare di, wa hã! Marĩ te 'manharĩ õ di, taha u'âbâ asada ĩhâimana za'ra wa'aba da hã. Aiwétési ma iwasédé hã i'manha, ĩ'wapé da, asima iwẽzéb zarina. Uburé Danhib'apito si, da'ãma rowairébé'wa hã. Tahawa, te za taha si nimahã i'uwaibaba ma, tãma rowairébé zahuré, niha wamhã, Izaraéu nhihudu norĩ ma, niha wamhã duré amonita norĩ ma hã.

1 Samuéu 17:43

Tawamhã te Dawihi ma tinha ãne: — E marĩ da hã taha wedewãi waré hã. E wa hã wapsã bâ. Tawamhã Gulia ma tô tite ihâiba'õ norĩ wi hã rowaptẽ, te te Dawihi ma hã 'manharĩ wasété za'ra da.

1 Samuéu 24:12

Tahawa, te za Wanhib'apito si wawaihu'u, marĩ na wa te ãma i'upa na hã. E a hã e wa hã. Tahawa ĩma iwẽ õhõ si te te aima rob'manharĩ da, ĩzada aihâimanazéb zarina. Tane nherẽ, wa hã te i'ai'wapé da hã mare di.

1 Samuéu 25:39

Tawamhã Dawi, Nabauhu dâ'âzé te te waihu'u wamhã, te ãne tinha: — Wanhib'apito 'Re ihâimana u'âsi mono ãma 're wawata za'ra wa'aba mono! Ta hã ma tô ĩ'ruiwa'â, Nabau ĩ'ãma iwasété'wa na hã. Ãne ma tô ĩpawapto, isib'a'uwẽ marĩ te 'manharĩ wasété tõ da hã. Wanhib'apito ma tô tãma rob'manha Nabauhu ma hã, wasété uptabi wa. Tawamhã Dawi hã ma tô romreme hã tãma tisõ, Abigaiuhu ma ãma mro da hã.

1 Samuéu 26:20

Tahawa, Wanhib'apito 'Re ihâimana u'âsi mono nhiti, romhâ na wasiré a'uwẽ'õ norĩ nhipti'ai 're da te ĩwĩrĩ tõ da hã ma'ãpé ĩpawapto na. E marĩ da, ma tô Izaraéu nhihudu norĩ nhib'apito we aimo ãwamhã, ĩzô 're airĩtĩ mono da. Wa hã wapsã'u ne hã marĩ dai õre di. E marĩ da, te we ĩzô 're i'aba mo wi'i zô ẽtẽ na da te 're i'aba za'ra mono ne.

1 Samuéu 26:4

Tahawa, ma tô Dawi hã tite aibâ norĩ hã 'mazatõ, te te 'maiwapsãi'a mono da, Sau tô sena õme ihâimanazé hã te te waihu'u da.