1 Samuéu 24:11 - ꞌRe Ihâimana Uꞌâsi Mono Zadawa Wasuꞌu

¹¹ Ĩnhib'apito, ma'ãpé ai'uza nhizâri hâiwa'õno hã 'madâ'â ĩnhib'ratamhã. Wa hã wa tô aiwi anhizâ, ai'uza hâ 'rãsudu hã. Tane nherẽ, wa hã te aiwĩrĩ õ di. Ã hã te za iwaihu, wa hã te rosa'rata õ di, asada ĩhâimana da hã, duré ĩwasédé te ai'ãma i'manharĩ da hã. A hã ĩzô 're airĩtĩ mono zé hã ĩwĩrĩ da, te waihu'u pese nherẽ, tane nherẽ, wa hã te ai'wapéi õ di tô.

1 Samuéu 24:11 ပူးပေါင်းရင်းမြစ်များ

Salmu 140:11

Isoto wasété norĩ, ti'ai 'remhã wẽ na siptete na 're hâimana za'ra mono tõ da si, ĩma iwẽ hã. Duré isipãrĩ ze norĩ zarina, ropipa si te te tô 're samarĩ za'ra mono, 're idâ'â za'ra mono zéb u.

Provébiu 15:1

'Re dazahi za'ra mono nherẽ, damreme wẽ na da te ãma 're idazada'âbâ za'ra mono zé hã, te za atãma na dahâimanazéb u hã dawi ãma saprĩ ni. Tazahã, damreme tete na dazada'âbâzé hã te za dazahi hã ãma dama hâimo ni.

Zuwã 15:25

“Marĩ hã te dama 're ab'manharĩ wasété mono õ nherẽ, ma tô taré da te dasiwi 're ĩ'ruiwapari.” Ãne duréihã ma tô wahi'rada hã ĩ'ãma rob'ui'éré siro, romhâ ré. Ĩzazei'õ'wa norĩ hã ma tô oto sina uwaimrami za'ra, te te siwi 're ĩ'ruiwapari mono zém na hã.

1 Samuéu 12:3

Ãhãta wa hã wa ĩhâiba. Marĩ na te upai wamhã, ma'ãpé ĩwasédé hã asiwi ĩ'ãma hiri aba ãhã na awa'awi na Uburé Danhib'apito nho'a, duré apito da, te te ipisutu nho'a. E niwamhã wa tô powawẽ hã dawi 'mai'â, niha wamhã, awaru po'repore hã. E niwamhã wa tô duré dama sadawa hapese. E niwamhã wa tô dazada 're ĩhâimana. E niwamhã wa tô duré rob'uiprazé hã te 're awaibu pi'uriwi, iwa'rãmi te dama 're i'arowairébé mono wẽ da hã. Ãne hã pé wa hã te 'manharĩ wamhã, wa za apâ sõmri za'ra, itede'wa norĩ ma hã.

1 Samuéu 18:27

ma tô Dawi tite dasi'wapéi 'manharĩ'wa norĩ me hã ai'aba'ré. Tahawa, ma tô filisteu norĩ hã siwi uprosi 200 na. Tawamhã Dawi ma tô tãma tidu, Sauhu ma, filisteu norĩ idâ'â za'ra nhihâiwada te te isihâri za'ra hã. Isõ'a ma tô duré sa'rata za'ra isihâiwata za'ra hã, taha zarina isa'õmo na oto 're hâimana mono da. Tahawa, Sau hã ma tô oto ti'ra Micau hã tãma tisõ, Dawihi ma, ãma mro da.

1 Samuéu 23:14

Tawamhã Dawi ma tô a'ubuni wi aima'u ẽtẽ'rãirã niwĩ, Zipe na romnhisi 'rata. Sau hã te bâtâ sidâpâsi sô 're rĩtĩ. Tane nherẽ, 'Re ihâimana u'âsi mono Dawi hã te te tãma hâiba nhomri õ di, Sauhu ma hã.

1 Samuéu 23:23

Tô sena ro isima'urizé hã asiwi upsibi mei wa'aba. Taha parimhã te za we apâ ĩtẽme ai'aba'réi wa'wa, õne haré. Tawapsi wa za wa hã oto aime ãma ĩmorĩ 'wa. Duré tô sena õme hâimana wapsi, wa za tô ti'â, uburé Zuda ãma ropâ te sô rowaimrami mono nherẽ.

1 Samuéu 25:28

Ma'ãpé siwa'ru tiha na ĩwasédé te i'manharĩzém na hã ĩ'ãma 'madâ'â õ di za. Wanhib'apito 'Re ihâimana u'âsi mono te za aipisutu za, asi'apito da hã, duré asihudu norĩ zama si'apito za'ra da hã. E tihai wa. A hã 'Re ihâimana u'âsi mono te te aima i'ruzéb zarina dasi'wapé hã i'upana 're 'manharĩ mono õ wa. Tahawa, tiha hã iwasédé hã ai'ãma 're hâimana mono õ di za, 're aihâimana mono ré hã.

1 Samuéu 26:18

Te duré tãma tinha ãne: — E marĩ da, te bété asib'a'uwẽ nherẽ, we ĩzarina aimorĩ na hã i'uzusi mo. E marĩ te 'manharĩ bâ, iwasédé hã.

1 Samuéu 26:20

Tahawa, Wanhib'apito 'Re ihâimana u'âsi mono nhiti, romhâ na wasiré a'uwẽ'õ norĩ nhipti'ai 're da te ĩwĩrĩ tõ da hã ma'ãpé ĩpawapto na. E marĩ da, ma tô Izaraéu nhihudu norĩ nhib'apito we aimo ãwamhã, ĩzô 're airĩtĩ mono da. Wa hã wapsã'u ne hã marĩ dai õre di. E marĩ da, te we ĩzô 're i'aba mo wi'i zô ẽtẽ na da te 're i'aba za'ra mono ne.

1 Samuéu 26:23

Wanhib'apito 'Re ihâimana u'âsi mono hã te 're inomro wẽ mono norĩ ma si te te 're awa'âbâ iwẽ na hã, te te sina 're i'umnhasi za'ra mono norĩ ma hã, duré sena na i'uwaibaba na si ãma 're inomro mono norĩ ma hã. Ã bâtâ na ma tô aré ĩma aihâiba nho ĩnhib'ratamhã. Tane nherẽ, ĩnhib'rada te sarõtõ õ di, 'Re ihâimana u'âsi mono, apito da, te te i'aipisudu te i'aiwĩrĩ da hã.