1 Samuéu 23:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã Sau za te te i'wapézém na te te sima irosa'ratazé hã Dawi hã te te waihu'u wamhã, ma tô tãma tinha ãne, sasedoti Abiataha ma: — We ãwa âri sasedoti norĩ si'uzazé hã, 'Re ihâimana u'âsi mono hã wa te iré sadanharĩ da.

1 Samuéu 23:9 ပူးပေါင်းရင်းမြစ်များ

Zezusihi zadawa wasuꞌuꞌwa norĩ nhimiromhuri na robꞌuiꞌéré 14:6

Tawamhã damreme te te sina wapari zahuré wamhã, ma tô dawi aimani zahuré, wara sina, Paulu norĩ hã. Tahawa Rica'oniza na danhipti'a nho'õmo nhisi u ma tô tineb zahuré. Tamomo neb zahuré wamhã, Risitira na 'ri nho'õmo nhisi u, ma tô aimasisi zahuré, duré Débi na 'ri nho'õmo nhisi amoi u.

1 Samuéu 10:22

Tahawa, te Samuéu Uburé Danhib'apito hã duré sadanha ãne: — E zahadu duré daré hã. Tawamhã 'Re ihâimana u'âsi mono ma ãma sada'â ãne: — Ĩhe, zahadu daré hã. Ma aima'u dawi, danhimarĩ wazari.

1 Samuéu 14:18

Tawamhã Sau te sasedoti Ai'asihi ma tinha ãne: — We âri ãwa, 'Re ihâimana u'âsi mono te, wedehâ're hã. Ãne ma tô tãma tinha. E marĩ wa. A'uwẽ Izaraéu nhihudu norĩ, 're nomro mono sidâpâsi ma tô wedehâ're ne hã da te dasiwi 're mrami isõwab za'ra hã.

1 Samuéu 22:20

Tane nherẽ, Abiata, Aimeretihi 'ra hã ma tô aimani. Tahawa, ma tô mo Dawi ihâimanazéb u hã.

1 Samuéu 23:10

Tawamhã Dawi te oto ãne sadanha iré: — Wanhib'apito, Izaraéu nhihudu norĩ te 'Re ihâimana u'âsi mono, wa hã asib'a'uwẽ Dawi, wa tô waihu'u Sau te te sima irosa'ratazé hã, ĩhâimana ré Queira u we morĩ da, taha ré te te ĩzô da'uprosi da.

1 Samuéu 23:6

Abiata, Aimeretihi 'ra hã simani wamhã, Dawi hã te te hâiba waptob da, Queira u itẽme morĩ wamhã, ma tô sasedoti norĩ si'uzazé hã siré ti'â.

1 Samuéu 23:8

Tawamhã Sau hã ma tô dasi'wapéi 'manharĩ'wa norĩ zô uburé tihârâ za'ra, si'wapé zô, te te ropãrĩ za'ra mono sina, sisõré pese na si'aba'ré da, Queira u, tame duré tiwi sitob da, Dawihi wi, duré ite dasi'wapéi 'manharĩ'wa norĩ wib zama.

1 Samuéu 30:7

Tahawa, ma tô sasedoti Abiata, Aimeretihi 'ra ma hã tãma tinha ãne: — We ãwa ĩma âri, sasedoti norĩ si'uzazé hã, 'Re ihâimana u'âsi mono te iré ãma sadanharĩ da. Tawamhã Abiata ma tô tãma ti'â.