1 Samuéu 23:4 - ꞌRe Ihâimana Uꞌâsi Mono Zadawa Wasuꞌu

⁴ Tawamhã Dawi, Uburé Danhib'apito hã ma duré isadanharĩ na ãma sahu. Tahawa, ma ãne ãma tãma wa'rã: — Mo oto aimorĩ Queira u, a'wapé da, za te aima sõmri wa, filisteu norĩ ãma i'ai'uté za'ra zé hã.

1 Samuéu 23:4 ပူးပေါင်းရင်းမြစ်များ

Zozué 8:7

Tawamhã ãhã ré, i'aima'uri za'ra wa'aba zém hawimhã te za aiwairébé 'wa. Tawamhã te za 'ri nho'u asiwi i'âri 'wa. Tawamhã Uburé Danhib'apito, wate za'ra 'Re ihâimana u'âsi mono te za Ai hã aima sõmri za'ra wa'wa.

Zuize 6:39

Ãhã wa, ma tô duré 'Re ihâimana u'âsi mono wi tiwi rowaptẽ ãne: — Ma'ãpé ĩzada asahi tõ. A'â duré bâdâ hã ĩma sa'ré na, misi irẽme ma, te duré aiwi waptẽrẽ da. Ma'ãpé ĩzawi na hã ĩma waprosi, niha zô pone'ẽrebâ zéré a'â duré te sa'ra na sahu da, pé pone'ẽrebâ zéré si ãhã na hã te te waihi ãna hâimana zô, pé duré oto ti'a si te te waihi zô, atébré hã.

Zuize 7:7

Tawamhã Uburé Danhib'apito, te Gidiãhã ma tinha ãne: — Aibâ norĩ 300 na tinhib'rata na te te i'âhuri norĩ me hã, wa za wa hã asõ'reptu za'ra wa'wa, midiãnita norĩ ãma i'ai'uté za'ra wa'aba zém na hã. Tahawa ma'ãpé isiré norĩ ma tãma nharĩ za'ra na, apâ tinhorõwa u si'aba'ré da.

Zuize 7:9

Tawamhã tô taha mara na Uburé Danhib'apito, ma tô duré Gidiãhã ma tinha ãne: — Ma'ãpé ai'utu, midiãnita norĩ te 'ri u si'ra da, a'wapé da. Asib'rata wa za oto aima sõmri za'ra.

1 Samuéu 10:22

Tahawa, te Samuéu Uburé Danhib'apito hã duré sadanha ãne: — E zahadu duré daré hã. Tawamhã 'Re ihâimana u'âsi mono ma ãma sada'â ãne: — Ĩhe, zahadu daré hã. Ma aima'u dawi, danhimarĩ wazari.

1 Samuéu 23:2

Tahawa, te Uburé Danhib'apito hã sina sadanha ãne: — E wa za mo, te a'wapé da, filisteu norĩ hã. — Tô aimorĩ, a'wapé da filisteu norĩ hã, duré anho'reptu da, 'ri'ahâ Queira ãma, 're idahâimana za'ra mono norĩ hã. — Ãne ma ãma tãma wa'rã, 'Re ihâimana u'âsi mono hã.

1 Samuéu 23:3

Tane nherẽ, Dawihi te dasi'wapéi 'manharĩ'wa norĩ hã te nharĩ za'ra ãne: — Ãme Zuda ãma wapahi za'ra di. E niha wa za taha nherẽ, ai'aba'ré ni 'ri'ahâ Queira u hã, dasi'wapéi 'manharĩ'wa filisteu norĩ wa te 'wapé za'ra da hã.

1 Samuéu 23:5

Tahawa, ma tô Dawi hã tite dasi'wapéi 'manharĩ'wa norĩ me ai'aba'ré Queira u hã. Tahawa, ma tô oto 'wapé za'ra, filisteu norĩ hã. Tawamhã ahâ uptabi na ma tô siwi uprosi. Ma tô duré isimizama norĩ sipu'u pese na te te siwi duri. Ãne ma tô Dawi hã anho'reptu a'uwẽ, 'ri'ahâ Queira ãma 're ihâimana za'ra mono norĩ hã.

1 Samuéu 28:6

Tahawa, te Uburé Danhib'apito hã sadanha ãne: — Ĩnhib'apito, e marĩ, wa za 'manha. Tane nherẽ, 'Re ihâimana u'âsi mono hã te te ãma sada'âbâ õ di, sõtõ 'rowim na hã duré ẽne Urĩ na hã duré 'Re ihâimana u'âsi mono zadawa 'mahârâ'wa norĩ nhimirowasu'u na hã.

1 Samuéu 30:8

Tahawa, ma tô Dawi hã Uburé Danhib'apito hã sadanha ãne: — E we ãwa pi'uriwi waro wamnarĩ'wa norĩ zarina hã wa za mo. E tawamhã te sasãmri waihu'u pese za'ra di duré, te iwaibu da hã. Tawamhã ma ãne 'Re ihâimana u'âsi mono hã ãma sada'â: — Aimorĩ tô isarina za'ra hã. Tawamhã sasimri za'ra wamhã, da te isimroi mono norĩ hã te za isõ'reptu za'ra.