1 Samuéu 23:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã Sau, Dawihi zarina timorĩ hã ma tô sazâ. Tahawa, ma tô mo, filisteu norĩ si te te a'wapé da. Taha wab zama taha romnhisi hã ãne: “Ẽtẽ tõmo wawẽ ãma dasina dasiwãnhizari na”.

1 Samuéu 23:28 ပူးပေါင်းရင်းမြစ်များ

1 Samuéu 23:25

Tawamhã Sau hã tite dasi'wapéi 'manharĩ'wa norĩ me te oto ai'aba'ré, sô rĩtĩ za'ra mono da, Dawihi zô. Tane nherẽ, Dawi hã ma tô waihu'u. Tahawa, ma tô mo, ẽtẽ tõmo wawẽ nhi'riti baba, Ma'õ na rop si 're irosa'wari mono nhisi u, tame hâimana da. Tawamhã Sau ãne hã te te waihu'u wamhã, ma tô duré Dawihi zarina mo.

1 Samuéu 23:27

Tane nherẽ, ma tô rowasu'u'wa hã itẽme wi. Ta hã ma tô ãne tawamhã tãma rowasu'u, Sauhu ma hã: — Apâ waptu na aimorĩ õne haré! Filisteu norĩ, ti'ai wa'õtõ nho'õmo u ma asisi pi'uriwi, te te siwi âri da.

1 Samuéu 23:29

Tawamhã Dawi hã ma tô oto watobro ta hawimhã. Ma tô mo, ro hã itẽme 're idanhisisi waihu'u mono õ u, Gedi na romnhisi u.

1 Samuéu 24:1

Tawamhã Sau, filisteu norĩ te te i'a'wapézém hawi apâ morĩ wamhã, ma tô waihu'u, Dawi a'ubuni wi Gedi na romnhisi 'rata isãmrazé hã.

1 Samuéu 24:2

Tahawa, ma tô pisutu za'ra Izaraéu nhihudu norĩ dasi'wapéi 'manharĩ'wa iwẽ hã 3 miu na. Tawamhã ma tô ta norĩ hã isiré ai'aba'ré, Dawihi zô rĩtĩ za'ra mono da, duré isib'a'uwẽ norĩ zô zama, Pone'ẽrebâ zéré uzé si'aibâ na ẽtẽ tõmo wawẽ nhisi niwĩ bâtâ pusizém niwĩ.