1 Samuéu 23:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã Sau, tite dasi'wapéi 'manharĩ'wa norĩ me, te ẽtẽ uiwada zara niwĩmhã tihâimana za'ra. Duré Dawi hã tite dasi'wapéi 'manharĩ'wa norĩ me hã te i'uiwada amo niwĩ tihâimana za'ra. Tahawa, Dawi norĩ hã ma tô waptu na aimani za'ra. E marĩ wa. Sau norĩ hã te te siwi uirĩ za'ra wa, te te waibu za'ra da.

1 Samuéu 23:26 ပူးပေါင်းရင်းမြစ်များ

Salmu 22:12

Powawẽ iba'õmo ne, ma te ĩnhitob'ru norĩ hã siwi ĩ'uirĩ. Uburé pese te ĩmana wawimhã tihâimana za'ra, Basã na romnhisi ãma powawẽ iba'u isahi 're ihâimana za'ra mono ne hã.

Salmu 22:16

Aibâ iwasété norĩ hã ma tô siwi ĩ'uirĩ za'ra. Ta norĩ hã ma tô oto siwi ĩ'resu'u pese, wapsã norĩ ĩnhib'rada hã duré ĩpara hã te te siwi iwazui mono ne.

2 Corĩtu 1:8

Wasisãnawã norĩ, wa duré wasima wẽ ni, wa te ãma aipo're pu'u za'ra wa'aba da, Azia na danhipti'a nho'õmo nhisi ãma wahâimana ré, rowasédé hã wazada ihâimanazém na hã. Tame, wa te robzépata za'ẽtẽ uptabi wa, wa tô aré wasina rosa'rata ni, za wadâ'â da newa oto.

Apocalipsi 20:9

Tawamhã daro mono bâ te za oto dasiwi romnhitom ni. Da te dasiwi romnhito wamhã, te za 'ri nho'u hã dasiwi ubu ni, 'Re ihâimana u'âsi mono te te 're isawi mono hã, isib'a'uwẽ norĩ, iwa 're ihâimana za'ra mono zé hã. Ta norĩ hã da te dasiwi uprosi da, te za dasiwi ubu ni. Tane nherẽ, 'Re ihâimana u'âsi mono hã te za hâiwa hawi uzâ hã sãmra. Te te sãmra wamhã, te za ãma da'uprosi, unhama ro'o na.

Zuize 16:2

Tawamhã Gaza ãma 're idahâimana za'ra mono, ma tô siwi waihu'u, Sãsã õhõ 're, ihâimana na hã. Tahawa isãmrazé ma tô iré siwi uirĩ. Ma tô duré mara bâre sô mapari za'ra Sãsãhã zô, 'ri nho'õmo te 'ridawa za'ẽtẽ ãma. Duré ari'iwi pese ma tô sô tihâimana za'ra, te te ãne rosa'rata za'ra sina: — Awẽb u sô wanhimipari za'ra wa'aba. Tawamhã wa za wasiwi wĩrĩ ni za.

1 Samuéu 19:12

Tawamhã imro ma tô ãma si'ra Dawihi ãma, zanela 'ri zadazâri na. Tahawa, ma tô dawi aimani.

1 Samuéu 20:38

Aimorĩ su'u, asimizazâri ãna! Tawamhã ai'repudu hã ma tô ti hã oto ti'â. Taha pari, te apâ tinhib'ihâ'a u hã mo oto,

1 Samuéu 23:25

Tawamhã Sau hã tite dasi'wapéi 'manharĩ'wa norĩ me te oto ai'aba'ré, sô rĩtĩ za'ra mono da, Dawihi zô. Tane nherẽ, Dawi hã ma tô waihu'u. Tahawa, ma tô mo, ẽtẽ tõmo wawẽ nhi'riti baba, Ma'õ na rop si 're irosa'wari mono nhisi u, tame hâimana da. Tawamhã Sau ãne hã te te waihu'u wamhã, ma tô duré Dawihi zarina mo.

1 Samuéu 23:27

Tane nherẽ, ma tô rowasu'u'wa hã itẽme wi. Ta hã ma tô ãne tawamhã tãma rowasu'u, Sauhu ma hã: — Apâ waptu na aimorĩ õne haré! Filisteu norĩ, ti'ai wa'õtõ nho'õmo u ma asisi pi'uriwi, te te siwi âri da.