1 Samuéu 23:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã Sauhu wana ma tô apâ ai'aba'ré, Zipe u. Tahawa, Dawi hã duré tite dasi'wapéi 'manharĩ'wa norĩ me, te Ma'õ na rop si 're irosa'wari mono nhisi ãma tihâimana za'ra, ẽtẽ siwa'aba ãma pa're 'ré wa Zézimo na romnhisi ãma, hâiwa nhimi'e niwĩ.

1 Samuéu 23:24 ပူးပေါင်းရင်းမြစ်များ

1 Samuéu 23:23

Tô sena ro isima'urizé hã asiwi upsibi mei wa'aba. Taha parimhã te za we apâ ĩtẽme ai'aba'réi wa'wa, õne haré. Tawapsi wa za wa hã oto aime ãma ĩmorĩ 'wa. Duré tô sena õme hâimana wapsi, wa za tô ti'â, uburé Zuda ãma ropâ te sô rowaimrami mono nherẽ.

1 Samuéu 23:25

Tawamhã Sau hã tite dasi'wapéi 'manharĩ'wa norĩ me te oto ai'aba'ré, sô rĩtĩ za'ra mono da, Dawihi zô. Tane nherẽ, Dawi hã ma tô waihu'u. Tahawa, ma tô mo, ẽtẽ tõmo wawẽ nhi'riti baba, Ma'õ na rop si 're irosa'wari mono nhisi u, tame hâimana da. Tawamhã Sau ãne hã te te waihu'u wamhã, ma tô duré Dawihi zarina mo.

1 Samuéu 25:2

Tawamhã aibâ hã te 're hâimana, Calebihi nhihudu hã, Nabau na isisi hã, 'ri'ahâ Ma'õ hawimhã, duré Carmeru na 'ri'ahâ nhisi ãma te te 're iromhuri mono. Isib'ro pe hã, 3 miu na isimizama hâiba hã pone'ẽrebâ zéré mapure hã, duré miu na isimizama hâiba hã pone'ẽrebâ zéré uzé hã. Duré imro nhisi hã Abigaiu na. Ta hã iwẽ uptabi, duré te te irowaihu'u pe. Tane nherẽ, imro hã aibâ iwasédé. Isahi. Tahawa, te Nabau hã tihâiba, Carmeru na 'ri nho'õmo nhisi ãma te te tinhimizama pone'ẽrebâ zéré mapure azéré nhihâri da hã.