1 Samuéu 23:23 - ꞌRe Ihâimana Uꞌâsi Mono Zadawa Wasuꞌu

²³ Tô sena ro isima'urizé hã asiwi upsibi mei wa'aba. Taha parimhã te za we apâ ĩtẽme ai'aba'réi wa'wa, õne haré. Tawapsi wa za wa hã oto aime ãma ĩmorĩ 'wa. Duré tô sena õme hâimana wapsi, wa za tô ti'â, uburé Zuda ãma ropâ te sô rowaimrami mono nherẽ.

1 Samuéu 23:23 ပူးပေါင်းရင်းမြစ်များ

Salmu 10:8

Ta hã, 'ri wa'õtõ 'rata sima'uri sina, te za dazô hã 're simipari, marĩ 'manharĩ wasété õ 'wa norĩ hã te te 're 'mapãrĩ mono da.

Provébiu 1:16

Waptu na te te sima 're rosa'rata za'ra, marĩ te te 're 'manharĩ za'ra mono da hã. Te te duré 're danhimroi mono da hã simire sina te õne u'â dazada 're hâimana siromo za'ra.

Marcu 14:1

Maparane te oto sô rowaptâ bâtâ zô hã, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Tawapsi dasi'rã'õtõ ré, te za romhuri na i'u'ẽtẽ duptoi'õ hã huri ni. Tawamhã bâdâ iwa waptã'ã õ ré, te sasedoti ipire norĩ hã rowahutu'wa norĩ me, sima ãma rosa'rata za'ra, Zezusi hã pi'uriwi te te siwi âri da, da te dasiwi wĩrĩ da.

1 Samuéu 23:22

Tô apâ ai'aba'réi aba na sahu wa'aba ihâimanazé hã asiwi waihu'u wẽ wa'aba hâ. Duré tô sena asiwi upsibi mei wa'aba da, tame ni'wam norĩ Dawi te te siwi i'madâ hã. E marĩ wa. Te nasi ĩma dasiwi wasu'u ni, ihâimana nhimiza'rese na hã.

1 Samuéu 23:24

Tawamhã Sauhu wana ma tô apâ ai'aba'ré, Zipe u. Tahawa, Dawi hã duré tite dasi'wapéi 'manharĩ'wa norĩ me, te Ma'õ na rop si 're irosa'wari mono nhisi ãma tihâimana za'ra, ẽtẽ siwa'aba ãma pa're 'ré wa Zézimo na romnhisi ãma, hâiwa nhimi'e niwĩ.

1 Samuéu 24:11

Ĩnhib'apito, ma'ãpé ai'uza nhizâri hâiwa'õno hã 'madâ'â ĩnhib'ratamhã. Wa hã wa tô aiwi anhizâ, ai'uza hâ 'rãsudu hã. Tane nherẽ, wa hã te aiwĩrĩ õ di. Ã hã te za iwaihu, wa hã te rosa'rata õ di, asada ĩhâimana da hã, duré ĩwasédé te ai'ãma i'manharĩ da hã. A hã ĩzô 're airĩtĩ mono zé hã ĩwĩrĩ da, te waihu'u pese nherẽ, tane nherẽ, wa hã te ai'wapéi õ di tô.