1 Samuéu 23:2 - ꞌRe Ihâimana Uꞌâsi Mono Zadawa Wasuꞌu

² Tahawa, te Uburé Danhib'apito hã sina sadanha ãne: — E wa za mo, te a'wapé da, filisteu norĩ hã. — Tô aimorĩ, a'wapé da filisteu norĩ hã, duré anho'reptu da, 'ri'ahâ Queira ãma, 're idahâimana za'ra mono norĩ hã. — Ãne ma ãma tãma wa'rã, 'Re ihâimana u'âsi mono hã.

1 Samuéu 23:2 ပူးပေါင်းရင်းမြစ်များ

Salmu 32:8

Uburé Danhib'apito te ĩma tinha ãne: “Bâdâdi iwẽ na wa za ãma aima te 're rowasu'u, nimomo 're i'ane mono da hã. Wa za te 're asaprõni u'âsi. Duré wa za te 're ai'madâ'â pese.

Zozué 9:14

Tawamhã aibâ norĩ Izaraéu nhihudu norĩ hã ma tô tisa te te i'wasari hã suru na siwi tẽ'ẽ za'ra. Tane nherẽ, Uburé Danhib'apito wi, rowaihu iwẽ hã te te tiwi waptẽrẽ za'ra õ di.

Zuize 1:1

Tawamhã Zozué dâ'â parimhã, ma tô Izaraéu nhihudu norĩ, 'Re ihâimana u'âsi mono Uburé Danhib'apito hã siwi sadanha ãne: — E mahã nhihudu a'uwẽ wa'reb za'ra hã te za imorĩ'rata na siwi 'wapé, cananeu norĩ hã.

1 Samuéu 10:22

Tahawa, te Samuéu Uburé Danhib'apito hã duré sadanha ãne: — E zahadu duré daré hã. Tawamhã 'Re ihâimana u'âsi mono ma ãma sada'â ãne: — Ĩhe, zahadu daré hã. Ma aima'u dawi, danhimarĩ wazari.

1 Samuéu 14:37

Tawamhã Sau, 'Re ihâimana u'âsi mono hã ma te a'â sadawa pibu ãne: — E filisteu norĩ zô wa za wazahutu za'ra, wa te susi za'ra da hã. E te za duré a hã ihâiba nhomri za'ra, Izaraéu nhihudu norĩ te te ãma ai'uté za'ra da hã. Tane nherẽ, tô taha bâtâ na te te ãma sada'âbâ õ di, 'Re ihâimana u'âsi mono hã.

1 Samuéu 23:3

Tane nherẽ, Dawihi te dasi'wapéi 'manharĩ'wa norĩ hã te nharĩ za'ra ãne: — Ãme Zuda ãma wapahi za'ra di. E niha wa za taha nherẽ, ai'aba'ré ni 'ri'ahâ Queira u hã, dasi'wapéi 'manharĩ'wa filisteu norĩ wa te 'wapé za'ra da hã.

1 Samuéu 23:4

Tawamhã Dawi, Uburé Danhib'apito hã ma duré isadanharĩ na ãma sahu. Tahawa, ma ãne ãma tãma wa'rã: — Mo oto aimorĩ Queira u, a'wapé da, za te aima sõmri wa, filisteu norĩ ãma i'ai'uté za'ra zé hã.

1 Samuéu 23:6

Abiata, Aimeretihi 'ra hã simani wamhã, Dawi hã te te hâiba waptob da, Queira u itẽme morĩ wamhã, ma tô sasedoti norĩ si'uzazé hã siré ti'â.

1 Samuéu 30:8

Tahawa, ma tô Dawi hã Uburé Danhib'apito hã sadanha ãne: — E we ãwa pi'uriwi waro wamnarĩ'wa norĩ zarina hã wa za mo. E tawamhã te sasãmri waihu'u pese za'ra di duré, te iwaibu da hã. Tawamhã ma ãne 'Re ihâimana u'âsi mono hã ãma sada'â: — Aimorĩ tô isarina za'ra hã. Tawamhã sasimri za'ra wamhã, da te isimroi mono norĩ hã te za isõ'reptu za'ra.