1 Samuéu 23:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zonata te ãne tãma tinha: — Aipahi tõ. Ĩmama Sau hã te te aima rob'manharĩ waihu'u õ di za. Tahawa, te za a hã asi'apito, Izaraéu nhihudu norĩ ma. Tawamhã wa hã wa za asahâpâ 're ĩhâimana. Ãne hã ĩmama te te waihu'u pese di.

1 Samuéu 23:17 ပူးပေါင်းရင်းမြစ်များ

Salmu 118:6

Uburé Danhib'apito ĩsiré 're hâimana mono wa, wa hã 're ĩpahi waihu'u mono õ di. E marĩ, da te ĩ'ãma 're 'manharĩ mono da bâ.

Provébiu 14:26

Ni'wa hã Uburé Danhib'apito te te 're wazé mono wamhã, te za isiptete uparizé hã tãma 're hâimana, duré i'ra norĩ 'wawi dasimapazéb zama.

Provébiu 19:21

Dapẽ'ẽ 're, da te 're irowa'õtõ za'ra mono zé hã ahâ di. Tane nherẽ, Uburé Danhib'apito te te dama 're i'apisutu mono zéb zarina si te za tô dama 're wairébé.

Luca 12:32

Te duré tãma nharĩ za'ra, ãne: — Ĩsiré norĩ, ai'umrore wa'aba nherẽ, asina 're aihâtâ'â za'ra wa'aba mono õ di za. Aimama 'wa hã Danhib'apito uptabi hã, te za aima pisutu za'ra wa'wa, isiré dama 're roti za'ra wa'aba mono da. Ãne ma tô sima aiwẽ za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:16

Tawamhã Roma u wasihutu wamhã, da'wapéi'wa norĩ wada'uri'wa hã ma tô Pauluhu ma pisutu, hâiba pisutu 're hâimana mono da, danhorõwa ãma. Da'wapéi'wa si te za i'rata 're hâimana, te te 're 'madâ'â mono da.

Hebreu 13:6

Tahawa, 'Re ihâimana u'âsi mono hã wa te wasina 're i'umnhasi za'ra mono zéb zarina, wa za ãne wa te wasima 're nharĩ za'ra, duréihã apito Dawi hã te te sima inharĩ ne, ãne: “Õhõ si Danhib'apito uptabi te te 're ĩpawaptob u'âsi. Tahawa, marĩ ma, 're ĩpahi mono õ di. E 'wa ãne wamhã, marĩ te te ĩ'ãma 'manharĩ da bâ.” Ãne duréihã Dawi hã 'râwi te te sima inharĩ ne, wa za duré wa norĩ hã wa te wasima 're nharĩ za'ra, isine ãhã na mono hã.

1 Samuéu 20:31

Dawi hã zahadu hâiba ré 're hâimana mono ré hã, i'asi'apito da hã mare di za a hã, ã hã ti'ai wa'õtõ nho'õmo 'remhã. Tahawa, ma'ãpé sô aimorĩ, we saprõni da ãwa. Dâ'â hâ!

1 Samuéu 22:23

Tahawa, ãme ĩsiré aihâimana u'âsi. Aipahi tõ. Sau hã te sima wẽ, wa norĩ, wa zahuré te te wapãrĩ da. Tane nherẽ, te za ĩme ropipa hawimhã asisõ'reptu.

1 Samuéu 24:19

E ni'wa hã te aré tinhitob'ru hã satõ, dâ'â ãna morĩ da hã, te te âri parimhã asine. Mare di. Tahawa, te za Wanhib'apito hã iwẽ na hã aipawapto, ã bâtâ na ĩma i'manharĩ wẽ zé wa'rãmi.

1 Samuéu 24:20

Tahawa, ãhã na hã tô sena wa tô waihu'u, za asi'apito da, Izaraéu nhihudu norĩ ma hã, duré za asiptete na i'rãnho'õmo na 're aihâimana mono ré 're ida'a'madâ'â mono na hã.

1 Samuéu 24:21

Tahawa, te za Wanhib'apito 'Re ihâimana u'âsi mono nhisi na ĩma iropisu, ĩnhihudu norĩ hã ĩwi uprosi tõ da. Ãne wamhã, ĩnhisi na duré ĩte a'uwẽ norĩ nhisi na hã 're dapo're si'âri za'ra mono õ di za.

1 Samuéu 24:4

Tawamhã isiré aibâ norĩ hã ma tô tãma nharĩ za'ra ãne, Dawihi ma: — Ate hã oto bâdâ. A hã te za oto asi'madâ. Wanhib'apito 'Re ihâimana u'âsi mono ma tô tinha, asitob'ru hã te te aima sõmri da, asib'rata, a hã marĩ ãma 'manharĩ da, asima iwẽzéb uwaibaba. Tawamhã ãne wa, Dawi hã ma tô oto atãma hâire sisa'ré, Sau tisai 'rata ma isãmrazéb u. Tahawa, ma tô duré te te sina sa'rese ãna i'uza hâzada'ré hã tiwi anhizâ, suru na.

1 Samuéu 25:30

Wanhib'apito 'Re ihâimana u'âsi mono hã te za uburé tiha iwẽ na hã ãma aima uwaimra, te te aima iropisutuzéb zarina. Te za duré tawamhã aipisutu, Izaraéu nhihudu norĩ ma asi'apito da hã.