1 Samuéu 23:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Dawi tite dasi'wapéi 'manharĩ'wa norĩ me 600 na ihâiba za'ra norĩ me ma tô awa'awi wairé, Queira hawimhã. Siwa'ru te ai'aba'ré. Tawamhã Sau, Dawi hã Queira hawi isimanizé te te waihu'u wamhã, ma tô rosa'rata ma hã oto marẽ.

1 Samuéu 23:13 ပူးပေါင်းရင်းမြစ်များ

Salmu 34:5

Da te 're iwati za'ra mono norĩ hã, ta hã te te siwi 're 'madâ'â mono wamhã, te te ãma sima 're rowẽ za'ra. Ãhã wa, niwa te te 're i'umnhasi baba za'ra mono da hã mare di.

1 Samuéu 22:2

Uburé aibâ norĩ tãma iropire za'ra hã, dama rowa'âbâ su'u õ 'wa norĩ, duré robzei ãna 're ihâimana za'ra mono norĩ hã ma tô uburé ai'rã'õtõ Dawi ihâimanazéb u hã. Tawamhã uburé ta norĩ ma, ma tô Dawi hã si'ĩ'rãnho'u, 400 na aibâ norĩ ihâimana za'ra ma.

1 Samuéu 25:13

Tawamhã ma tô Dawi hã tãma nharĩ za'ra ãne: — Ma'ãpé ai'usisi na sib'ézé 'wapa asima séme aba! Tawamhã ãne te te tãma 'ru za'ra wa, ma tô imreme zarina sima sé. Dawihi zama ma tô tite sib'ézé 'wapa hã ti'â. Taha pari, ma tô oto watobro, tite aibâ norĩ 400 na ihâiba za'ra ré hã. Taha ré, ma tô 200 na ihâiba za'ra, asi ré hã isa'u za'ra a'â tihâimana za'ra.