1 Samuéu 22:8 - ꞌRe Ihâimana Uꞌâsi Mono Zadawa Wasuꞌu

⁸ E taha wa, te a norĩ wa'wa hã asima irosa'rata za'ra wa'wa, ĩzada aihâimana za'ra wa'aba da. Ni'wa hã te te ĩma wasu'u õ di, ĩ'ra hã, Dawihi me tinhimiropisudu te te sima i'manharĩ zahuré zé hã. Duré ni'wa hã ĩ'ãma hâtâ'â waihu'u õ di. Ni'wa hã te te duré ĩma rowasu'u õ di, Dawi ĩnhib'a'uwẽ siré nherẽ, te te ĩwĩrĩ da, ĩzô 're irĩtĩ mono zém na hã. Duré tô ĩ'ra, ĩzada ihâimanazém na zama ni'wa te te ĩma wasu'u õ di.

1 Samuéu 22:8 ပူးပေါင်းရင်းမြစ်များ

1 Samuéu 18:1

Tawamhã Sau norĩ hã Dawihi me ma tô oto sima robzanhamri pari zahuré. Tahawa, Zonata, Sauhu 'ra pẽ'ẽ 'remhã, ma tô Dawihi zawi hã iwab ãzé. Tahawa, ipẽ'ẽ 'remhã tãma sawi uptabi di oto, 'râwi tihâiba te te 're isisawi pese mono ne.

1 Samuéu 18:3

Tawamhã Zonata norĩ hã Dawihi me, ma tô sena na ropisutu zahi hã sima 'manharĩ zahuré, tinhimizawi zahuré zém na hã. E marĩ wa. Zonata Dawihi ãma ipẽ'ẽzézé hã sa'ẽtẽ uptabi wa.

1 Samuéu 20:2

Tawamhã Zonata ma te ãma sada'â ãne: — Wa ĩsima wẽ wa hã, atâ'â tõ da 'Re ihâimana u'âsi mono te te ai'madâ'â pese da. Ĩmama hã te uburé marĩ hã te te ĩma 're awasu'u, te te 're i'ab'manharĩ mono zé hã ipire hã duré ipire'õ hã. Marĩ hã te te ĩwi simi'uri õ di aré. Ãhã wa, tô marĩ hã hâimana õ di.

1 Samuéu 20:42

Tawamhã Zonata te Dawihi ma tinha ãne: — Ĩma wẽ di, 'Re ihâimana u'âsi mono hã asiré 're hâimana u'âsi mono da hã. Ĩma wẽ di duré Uburé Danhib'apito te te 're wapawapto mono da, wanhihudu norĩ zama te te duré 're pawaptob za'ra mono da, ropisudu wa te i'manharĩzé hã wa te ãma wasima 're uwaimrami u'âsi mono da si. Ãne te te tãma waihu'u pari, ma tô Dawi hã oto mo. Duré Zonata hã ma tô apâ mo, 'ri'ahâ u hã.

1 Samuéu 20:8

Ãne wa aiwi waptẽ, 'Re ihâimana u'âsi mono nhisi na ropisudu iwazéb zahi, te te ĩma i'manharĩzéb zarina, ĩma ãma uwaimrami da. Tane nherẽ, tô wa hã marĩ na te upai wamhã, a hã te za pé tô ĩwĩ, aimama hã te te ĩma rob'manharĩ tõ da pé.

1 Samuéu 22:13

Tawamhã Sau te sadanha ãne: — E marĩ da, ma tô Dawihi me ĩzada asihâiba wapto wa'wa, rosa'rada hã ĩzada 'manharĩ aba da. Duré e marĩ da, ma tô isa hã tãma isõ, duré sib'ézé 'wapa hã. E marĩ da, ma tô duré 'Re ihâimana u'âsi mono hã ãma isadanha, Dawi hã za marĩ te te i'manharĩzéb da hã. Tahawa, ma tô ãhã na awa'awi na hã Dawi ĩzada tiwasété. Tahawa, te oto duré ĩzada mare, te te ĩwĩrĩ da hã.

1 Samuéu 23:21

Tawamhã Sau ma tô asa ãma tãma wa'rãmi za'ra ãne: — Wa ĩsima wẽ, Wanhib'apito si iwẽ na te te aipawaptob za'ra wa'aba da, ĩma i'manharĩ wẽ za'ra wa'aba wa'rãmimhã.