1 Samuéu 22:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã Sau ma tô duré 'ru za'ra, uburé Nobi ãma 're ihâimana za'ra mono norĩ zama da te uprosi da hã, 'ri'ahâ sasedoti norĩ te ãmamhã, aibâ norĩ hã, pi'õ norĩ hã, 'watébrémi norĩ hã, ba'õtõ norĩ hã, ai'uté norĩ hã, powawẽ norĩ hã, awaru po'repore norĩ hã, duré pone'ẽrebâ norĩ hã, uburé pese si'utõrĩ pese da hã, ma tô dama ti'ru.

1 Samuéu 22:19 ပူးပေါင်းရင်းမြစ်များ

Neemia 11:32

Anatoti ãma, Nobi ãma, Anania ãma,

Mateu 21:16

Tawamhã ta norĩ hã te Zezusi hã siwi sadanha, ãne: — E wapari õ di, ai'uté norĩ mreme hã. E asina sadawa uwati za'ra ãna. Tawamhã Zezusi hã asa te duré tãma nharĩ za'ra, ãne: — Wa tô wapari za'ra. A norĩ wa'wa hã bété. E sõré za'ra wa'aba õ di, wahi'rata nhimi'ui'éré hã: “Ai'uté norĩ ma, wa tô waihu'u siromo za'ra, duré ai'utépré norĩ ma zama, iwẽ na si ai'ãma 're wata za'ra mono da.” Ãne ma tô wahi'rada hã ĩ'ãma rob'ui'éré siro, ibaihâ na hã.

Tiagu 2:13

Nimahã bâtâ na dahâimanazém na te te da'awaihu'u wapsi, da'ãma 're ipẽ'ẽzé za'ra mono õ norĩ ãma, pẽ'ẽzé õ di za, 'Re ihâimana u'âsi mono hã, ti'ab ré da'ãma 're isiwamri za'ra mono õ norĩ ãma hã. Da'ãma 're ipẽ'ẽzé u'âsi za'ra mono norĩ ãma si, te za ãma 're pẽ'ẽzé za'ra.

Zozué 6:17

Tahawa, uburé marĩ hã 'ri nho'õmo 're, ihâimana za'ra mono hã te za asiwi i'uprosi 'wa, 'Re ihâimana u'âsi mono ma 're idanhoprub za'ra mono ne. Pi'õ Ra'abi, sihâiba wa'âbâ zô 're isisõmri mono si te za siwaprosi dâ'â ãna hã tihâiba, duré uburé isõrõwa 're, ihâimana za'ra norĩ zama. E marĩ wa. Õ hã wapsãi'a'wa norĩ wa te isatõrĩ za'ra hã te te simi'uri zahuré wa.

Zozué 6:21

Ma tô duré tinhi'wa na aibâ norĩ hã, pi'õ norĩ hã, ai'uté norĩ hã duré ihi norĩ hã te te siwi simro, 'ri nho'õmo wa, uburé 're ihâimana za'ra mono norĩ hã. Ma tô duré te te siwi simro, powawẽ norĩ zama hã, pone'ẽrebâire, duré awaru po're pore.

1 Samuéu 15:3

Tahawa, te za aimo ãhã na hã, amalequita norĩ a'wapé da. Te za uburé pese isimarĩ za'ra marĩ hã tiwi i'a'upro za, ãma aipẽ'ẽzé za'ra ãna, duré ãma aiwamri za'ra ãna. Uburé pese te za i'upro za aibâ norĩ hã, pi'õ norĩ, ai'uté norĩ, ai'utépré norĩ, powawẽ norĩ, pone'ẽrebâ norĩ, awaru ba'õmore norĩ hã, duré awaru po'repore norĩ zama.

1 Samuéu 15:8

Tahawa, amalequita norĩ te apito Adadi na isisi hã ma tô ti'â te te wĩrĩ ãna. Tane nherẽ, ma tô uburé isib'a'uwẽ norĩ hã uprosi.

1 Samuéu 15:9

Sau tite dasi'wapéi 'manharĩ'wa norĩ me hã te te siwi wĩrĩ õ di, apito Adadi hã. Duré pone'ẽrebâ iwẽ norĩ zama te te siwi simroi õ di, duré powawẽ iba'u iwẽ norĩ hã, powawẽ zapu iwẽ norĩ hã, pone'ẽrebâ zéré mapure si'aibâ iwẽ norĩ hã, duré uburé marĩ iwẽ norĩ hã. Marĩ iwasété norĩ si ma tô siwi uprosi pese, marĩ dai õ wa, ta hã oto.

1 Samuéu 21:1

Tawamhã Dawi ma tô mo, sasedoti Aimeretihi ma te te nharĩ da, Nobi na 'ri wa'õtõ nhisi u. Tawamhã oto itẽme wisi wamhã, ma tô sasedoti rẽrẽ'ẽ sina itẽme watobro, Dawihi tẽmemhã. Tahawa, te ãne sadanha: — E marĩ wa, te we asiwaprosi aimo ãwamhã.

1 Samuéu 22:11

Tawamhã apito Sau ma tô sô hâ, Aimeretihi zô. Duré uburé isisãnawã siwadi norĩ zô zama, Nobi ãma sasedoti na 're ihâimana za'ra mono norĩ zô zama ma tô hâ. Ãne wa, ma tô itẽme ai'aba'ré, apito u.

1 Samuéu 22:9

Tawamhã Doedi, Edõ ti'ai wa'õtõ nho'õmo hawimhã te Sauhu ma rob'madâ'â'wa norĩ siré tihâiba. Ta hã ma tô ãne tãma wasu'u za'ra: — Wa hã wa tô 'madâ Dawi, Aimereti Aitubihi 'ra ma, te te robzanhamri ré hã, Nobi ãma.