1 Samuéu 22:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Sau te sadanha ãne: — E marĩ da, ma tô Dawihi me ĩzada asihâiba wapto wa'wa, rosa'rada hã ĩzada 'manharĩ aba da. Duré e marĩ da, ma tô isa hã tãma isõ, duré sib'ézé 'wapa hã. E marĩ da, ma tô duré 'Re ihâimana u'âsi mono hã ãma isadanha, Dawi hã za marĩ te te i'manharĩzéb da hã. Tahawa, ma tô ãhã na awa'awi na hã Dawi ĩzada tiwasété. Tahawa, te oto duré ĩzada mare, te te ĩwĩrĩ da hã.

1 Samuéu 22:13 ပူးပေါင်းရင်းမြစ်များ

Salmu 119:69

'Râwi 're isi'madâ'â ze za'ra mono norĩ hã ma tô ĩnhisi na taré sadawanhipese na te te 're robzanhamri za'ra. Tane nherẽ, wa tô wa hã asimiroti si ĩpẽ'ẽ 'remhã te 're iwapari pese mono na hã 're ĩhâimana.

1 Samuéu 22:12

Tawamhã oto itẽme sihutu wamhã, ma tô Sau hã tãma tinha ãne, Aimeretihi ma: — Aimereti, ĩwapari! Tawamhã asa ma sada'â ãne: — Ma'ãpé tô marĩ na hã wamhã.

1 Samuéu 22:8

E taha wa, te a norĩ wa'wa hã asima irosa'rata za'ra wa'wa, ĩzada aihâimana za'ra wa'aba da. Ni'wa hã te te ĩma wasu'u õ di, ĩ'ra hã, Dawihi me tinhimiropisudu te te sima i'manharĩ zahuré zé hã. Duré ni'wa hã ĩ'ãma hâtâ'â waihu'u õ di. Ni'wa hã te te duré ĩma rowasu'u õ di, Dawi ĩnhib'a'uwẽ siré nherẽ, te te ĩwĩrĩ da, ĩzô 're irĩtĩ mono zém na hã. Duré tô ĩ'ra, ĩzada ihâimanazém na zama ni'wa te te ĩma wasu'u õ di.