1 Samuéu 21:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã Doedi, edomita norĩ siré hã Sauhu ma romhuri'wa hã ma tô taha bâtâ na hã dame tihâiba tame. E marĩ da. Te te ãma uwaimrami da, za marĩ te te i'manharĩzém na, 'Re ihâimana u'âsi mono nho'a.

1 Samuéu 21:7 ပူးပေါင်းရင်းမြစ်များ

Zenezi 26:20

Tane nherẽ, Gera ãma pone'ẽrebâ 'madâ'â'wa norĩ, Izaquihi ma, pone'ẽrebâ 'madâ'â'wa norĩ me hã ma tô ãma sisada'âbâ za'ra, õ hã â zô ab're ite za'ra na hã. Tahawa Izaqui â zô ab're hã ma tô sisi ãne, “ãma idasisada'âbâ za'ra zém” na.

Mateu 15:8

“Õ norĩ hã tô sena newa, te timreme na si taré ĩ'ãma 're wata za'ra. Tane nherẽ, te tipẽ'ẽ 're aimawi zô si sima te te 're rosa'rata u'âsi za'ra, ĩ'upana.

1 Samuéu 11:5

Tawamhã taha bâtâ 're, ma tô Sau hã we te te ubumro powawẽ hã a'ubuni hawi. Tahawa, te awa'awi anha ãne: — E marĩ ma tô watobro. E marĩ wa, te duré uburé ta'ru'ru ni. Tawamhã ma tô tãma rowasu'u za'ra, Zabesi 'ri nho'õmo nhisi hawi aibâ norĩ isi'aba'ré te te tãma irowasu'u za'ra zém na hã.

1 Samuéu 14:47

Tawamhã Sau Izaraéu nhihudu norĩ ma si'i'rãnho'õmo parimhã, ma tô iwaptoma isitob'ru norĩ uburé 're isi'ubumroi mono norĩ hã a'wapé, Moabi na romnhisi ãma 're ihâimana za'ra mono norĩ hã, Amo na romnhisi ãma 're ihâimana za'ra mono norĩ hã, Edõ na romnhisi ãma 're ihâimana za'ra mono norĩ hã, Zoba na romnhisi ãma danhib'ihâ'a 're ihâimana za'ra mono norĩ hã, duré filisteu norĩ hã. Tawamhã ã norĩ hã te te a'wapéi mono wamhã, ma tô uburé ãma ai'uté za'ra.

1 Samuéu 21:8

Tawamhã Dawi te Aimereti sadanha ãne: — E ate iré hã sib'ézé 'wapa, niha wamhã, isi'uwazi 'rã'wa ĩma sõmri da hã a'â. Wa hã te we âri õ di, ĩte sib'ézé 'wapa hã, duré ihâiba amo ĩsi'wab'ézé hã. Apito hã waptu na te te we ĩma rob'rui wa, wa tô we ĩsi'aba'ré na watobro, we ĩmorĩ da ãwamhã. Tahawa, ĩ'ubana hã wa tô wei mo.

1 Samuéu 22:10

Tahawa, Aimereti hã ma tô Dawihi ãma hã Wanhib'apito 'Re ihâimana u'âsi mono hã sadanha ãne: “E marĩ te za Dawi i'uwaibaba hã 'manha.” Tawamhã ãne pari, ma tô isa hã tãma tisõ, Dawihi ma. Tahawa, Guliaha nhi'wa zama ma tô duré tãma tisõ.

1 Samuéu 22:22

Tahawa, te Dawi hã Abiataha ma tinha ãne: — Taha bâtâ na Doedi õme hâimana ré te 'madâ'â wamhã, wa tô waihu'u, Sauhu ma te te uburé tãma irowasu'uzé te te i'mairẽme õ zé hã. Ãne wa, wa hã wa tô duré ãma upa tô, asisãnawã norĩ isi'utõrĩzém na hã.

1 Samuéu 22:9

Tawamhã Doedi, Edõ ti'ai wa'õtõ nho'õmo hawimhã te Sauhu ma rob'madâ'â'wa norĩ siré tihâiba. Ta hã ma tô ãne tãma wasu'u za'ra: — Wa hã wa tô 'madâ Dawi, Aimereti Aitubihi 'ra ma, te te robzanhamri ré hã, Nobi ãma.