1 Samuéu 21:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã ãne te te tãma rob'rãzarõtõ za'ra wa, ma tô Dawi hã isimirowasu'u za'ra ma a'rã. Tahawa, ma tô tãma tipahi, Aquihi ma hã.

1 Samuéu 21:12 ပူးပေါင်းရင်းမြစ်များ

Zenezi 26:7

Tawamhã aibâ norĩ tô õhõ 're, 're irob za'ra mono, imro na te te sadanharĩ za'ra wamhã, ma tô tihidiba na tãma wasu'u za'ra. Rebeca hã pi'õ iwẽ uptabi. Tahawa Izaqui timro na te te iwasu'u da hã pahi di, õhõ 're, aibâ norĩ 're irob za'ra mono hã te te siwi wĩrĩ õ'umnhasite, imro zô.

Salmu 119:11

Aimreme hã wa tô ĩsima te 're tété ĩpẽ'ẽ 'remhã, ĩwasédé te aiwi 're 'manharĩ tõ mono da.

Salmu 34:4

Wa hã, Uburé Danhib'apito nhimipawaptobzé te tiwi waptẽrẽ wamhã, ma tô ãma ĩzada'â. Ĩpahi wamhã, ma tô ĩnho'reptu.

Luca 2:19

Taha wamhã, duré Maria te isimirowasu'u za'ra na tipẽ'ẽ na hã te te 're rosa'rata u'âsi.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

1 Samuéu 18:7

Tahawa, te pi'õ norĩ hã ãne tinho're za'ra, rowẽ te: “Sau ma tô miu na hã dapã. Duré Dawi ma tô 10 miu na hã dapã!”

1 Samuéu 21:10

Tawamhã Dawi tô taha bâtâ na ma aimani, Sauhu wi hã. Tahawa, ma tô mo, apito Aqui na isisi zô, 'ri'ahâ Gati na isisi ãmab zô 're rĩtĩ mono da.

1 Samuéu 21:13

Tahawa, uburé idahâimana za'ra norĩ nho're, ma tô i'rã siwamnarĩ ne tihâiba. Tawamhã duré te te siwi tété da, te te siwi âri pibui wamhã, ma tô i'rãsiwamnarĩ ne tihâimana. 'Ridawa za'ẽne hã 'ri'ahâ u 're idanhisisi mono zé hã ma te te wabza. Isada'u tiwi watobro wa, ma duré ãma siwatasu upto.