1 Samuéu 21:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã 'ri'ahâ 're dama ipire norĩ hã ma tô tãma wasu'u za'ra ãne, Aquihi ma: — Oro ã hã Dawi, Izaraéu nhihudu norĩ nhipti'ai ãma apito za. Pi'õ norĩ hã ma tô taha ãmamhã tinho're za'ra, si'rẽne sina ãne: “Sau hã ma tô dapã miu na, duré Dawi hã ma tô dapã 10 miu na.”

1 Samuéu 21:11 ပူးပေါင်းရင်းမြစ်များ

Salmu 34:1

Uburé Danhib'apito ãma, õne u'â wa za bâtâ sidâpâ ãma 're ĩwata u'âsi. Ĩzaihâ na wa za tô te sazâri ãna ãma 're ĩwata u'âsi.

1 Samuéu 16:1

Tawamhã Uburé Danhib'apito te Samuéu ma tinha ãne: — E momo te za Sauhu ãma aipẽ'ẽzézé hã i'rãsu. Wa hã te ĩsima wẽ zahu õ di, Izaraéu nhihudu norĩ nhib'apito na 're ihâimana mono da hã. Tahawa, ma'ãpé azeitona 'rãi wa'u hã 'masisi abazei õmo 're, asiré âri da. Taha parimhã te za aimo, Belẽ na 'ri'ahâ nhisi u aibâ Zésé na isisi nhorõwa u. E marĩ wa. Wa hã i'ra norĩ wa tô 'maipisutu, i'masi'apito da hã.

1 Samuéu 19:18

Tawamhã Dawi hã ma tô oto aimani. Tahawa, ma tô mo Rama u. Tamomo wisi wamhã, ma tô uburé Samuéu ma hã wasu'u, Sau sada hâimana mono wa, te te tãma irob'manharĩ mono zé hã. Taha pari, ma tô oto tineb zahuré, 'Re ihâimana u'âsi mono zadawa 'mahârâ'wa norĩ nhorõwa u, tame simasisi da.

1 Samuéu 27:1

Tawamhã te Dawi hã ãne sima rosa'rata: — Nimahã bâtâ na Sau hã te za ĩwi. Tahawa, ĩma wẽ di za ĩmorĩ da hã, ĩsimani da, filisteu norĩ nhipti'ai u. Tawamhã te za Sau hã taré ĩzô 're rĩtĩ, uburé Izaraéu nhihudu norĩ nhipti'ai mono na hã. Ãne wamhã, wa za ĩsima iwẽ na nhamra, te ĩsima romnhimimnhasi ãna.

1 Samuéu 27:2

Tahawa, ma tô oto Dawi hã mo, ãne te te sima rosa'rata wi, tite aibâ norĩ 600 na ihâiba za'ra norĩ ré, Aqui hã Ma'oquihi 'ra 're ihâimana mono zéb u, Gati na 'ri nho'õmo nhisi ãma danhib'ihâ'a hã.

1 Samuéu 29:5

Dawihi ãmamhã ma tô pi'õ norĩ hã tinho're za'ra, si'rẽne za'ra sina ãne: “Sau hã ma tô dapã miu na. Dawi hã 10 miu na ma tô dapã”