1 Samuéu 20:8 - ꞌRe Ihâimana Uꞌâsi Mono Zadawa Wasuꞌu

⁸ Ãne wa aiwi waptẽ, 'Re ihâimana u'âsi mono nhisi na ropisudu iwazéb zahi, te te ĩma i'manharĩzéb zarina, ĩma ãma uwaimrami da. Tane nherẽ, tô wa hã marĩ na te upai wamhã, a hã te za pé tô ĩwĩ, aimama hã te te ĩma rob'manharĩ tõ da pé.

1 Samuéu 20:8 ပူးပေါင်းရင်းမြစ်များ

Zenezi 24:49

Tahawa te za oto a norĩ wa'wa hã niha na ĩma iwaihu'u za'ra wa'wa, ĩnhib'apito mreme na ibâ na ãma aiwamri za'ra wa'aba da wamhã. Duré mare wamhã, ĩma waihu'u za'ra wa'aba, niha na hã te ĩsima rowairébé hâ.

Zenezi 47:29

Oto niha na tidâ'âzéb da na siwaihu'u wamhã, ma tô Zaco, ti'ra Zuzéhé zô hã hâ. Ãhã wa, te ãne tãma tinha: — Ĩzawi wamhã, ma'ãpé ĩzadazute 'rowi asib'rada hã sẽrẽ sina, sena na ĩma ropisutu, asimizawizé ĩ'ãma ihâimana zarina duré ĩma i'ai'umnhasizéb zarina. Ezitu 'remhã ĩ'ãma ti'ai õ di za.

Provébiu 3:3

Asimizawizé hã, duré dama ai'umnhasizé hã 're rẽme mono õ di za. Te za õne u'â aipẽ'ẽ na asima 're itété u'âsi mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 25:11

Marĩ iwasédé hã te 'manharĩ 'wa'âhã, da te dasiwi ĩwĩrĩ da hã, aré ĩsisawi õ di. Tane nherẽ, ĩwasédé hã te te siwi ĩ'ãma isa'ra hã tô senai õ wamhã, ni'wa hã te te tãma ĩza'réi waihu'u za'ra õ di. Tahawa, Roma u si te za ĩzatõ, apito Sézaha nho're ĩzab da, taha ma si ĩsiwasu'u da, tame.

Zozué 2:14

Tawamhã aibâ norĩ ma tô ãma tãma wa'rãmi zahuré, ãne: — Wa za tô ropisutu ni aima. Tawamhã wamreme wa te wasina uwaimrami õ wamhã, tô i'uwaibaba na hã wa aré tô wa norĩ si wadâ'â ni. A hã aré i'atâ'â da hã mare di. Tawamhã a hã ãme wa te i'manharĩzé hã ni'wai ma wasu'u õ wamhã, aima wanhimiropisutuzé hã i'uwaibaba wa za tô wasina uwaimrami ni. Uburé Danhib'apito, apto'o ré ã hã ti'a te te wama sõmri za'ra wamhã, tawamhã iwẽ na hã wa za aima wasihâi'ré ni, sena na wa te aima inharĩ na hã.

Ruti 1:8

te Noẽmi hã tisani'aba norĩ ma tinha ãne: — Apâ te za asina isiri 'wa, asa'ru u, ana siré 're aimasisi aba mono da. Ĩma hã Uburé Danhib'apito te za iwẽ na aima 're sõprub u'âsi 'wa. A norĩ wa'wa hã 're ĩpawapto wẽ wa'aba mono ne, duré ĩwi idâ'â zahuré norĩ hã 're ipawapto wẽ wa'aba mono ne, te za Uburé Danhib'apito hã te te 're aipawapto wẽ u'âsi 'wa.

1 Samuéu 18:1

Tawamhã Sau norĩ hã Dawihi me ma tô oto sima robzanhamri pari zahuré. Tahawa, Zonata, Sauhu 'ra pẽ'ẽ 'remhã, ma tô Dawihi zawi hã iwab ãzé. Tahawa, ipẽ'ẽ 'remhã tãma sawi uptabi di oto, 'râwi tihâiba te te 're isisawi pese mono ne.

1 Samuéu 18:3

Tawamhã Zonata norĩ hã Dawihi me, ma tô sena na ropisutu zahi hã sima 'manharĩ zahuré, tinhimizawi zahuré zém na hã. E marĩ wa. Zonata Dawihi ãma ipẽ'ẽzézé hã sa'ẽtẽ uptabi wa.

1 Samuéu 20:16

wa norĩ hã wa te wasima iropisutuzém na hã wa te ãma wasima upa tõ da. Tawamhã ãma upai wamhã a hã, te za 'Re ihâimana u'âsi mono aima rob'manha.

1 Samuéu 20:9

Tawamhã Zonata ma te ãma tãma wa'rã ãne: — Tane na hã asina rosa'rata tõ! Ĩmama te te aiwĩrĩ da, te te sima irowairébézé wa hã te waihu'u 'wa'âhã, e aré te aipo're pu'u õ di. Wa aré tô aipo're pu'u.

1 Samuéu 23:18

Tawamhã tame ma tô Uburé Danhib'apito nho'a apâ ropisudu hã sima 'manharĩ na sitéb zahuré, tisisawi zahuré zéb u'âbâ hã. Tawamhã Dawi hã ma tô Horeza ãma nhamra u'â. Tawamhã Zonataha si ma tô apâ mo, tinhorõwa u hã.