1 Samuéu 20:34 - ꞌRe Ihâimana Uꞌâsi Mono Zadawa Wasuꞌu

³⁴ Tahawa, Zonata hã sahi na ma tô tisazém hawimhã wahudu. Tahawa, tô taha bâtâ na hã sai õ di, maparane bâtâ ãma dato a'amo itém na ihâimana na hã. Tãma robzei õ uptabi di, imama Sau hã Dawihi ãma te te wasété mono wa.

1 Samuéu 20:34 ပူးပေါင်းရင်းမြစ်များ

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Éfézu 4:26

Nimahã na 're asiti'ru za'ra wa'aba mono wamhã, 're aiwasété za'ra wa'aba mono õ di za, aiwasédé hã 're 'manharĩ za'ra wa'aba mono tõ da. Duré asiti'rui ré bâdâ hã wahuré ai'ãma 're si'utõrĩ za'ra wa'aba mono tõ da, te za asiwi 're iwẽ'õ za'ra wa'aba mo, Wa'uburé nhimiwada'uri zarina aiwasédé hã 're 'manharĩ za'ra wa'aba mono tõ da dama.

1 Samuéu 20:33

Tawamhã ãne te te tãma nharĩ wa, ma tô Sau Zonata hã tite isi'uwazi 'rã'wa na hã ãma simri te te ãma wĩrĩ da. Ãne wa tawamhã, Zonata ma tô oto timama hâimanazé hã waihu'u, tô aré Dawi te te wĩrĩ da, te te sima irosa'rata na hã.

1 Samuéu 20:35

Tawamhã awẽm na ma tô a'ubuni u mo, Dawi te te sõpẽtẽ da hã, te te sima iwaihu'u zahuré zéb zarina. Morĩ wamhã, ma tô ai'repudu hã siré saprõ.