1 Samuéu 20:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã ãne te te tãma nharĩ wa, ma tô Sau Zonata hã tite isi'uwazi 'rã'wa na hã ãma simri te te ãma wĩrĩ da. Ãne wa tawamhã, Zonata ma tô oto timama hâimanazé hã waihu'u, tô aré Dawi te te wĩrĩ da, te te sima irosa'rata na hã.

1 Samuéu 20:33 ပူးပေါင်းရင်းမြစ်များ

1 Samuéu 18:11

Tahawa, te Sau hã ãne sima rosa'rata: — Wa za Dawihi ãma 'ri na'rata nhiptâ'âre, te ãma tétére da. Tawamhã isi'uwazi 'rã'wa na ma tô maparane ãma simri, te te ãma wa'ré da aré. Tane nherẽ, ma tô Dawi hã duré maparane tiwi tiwa'a.

1 Samuéu 19:10

Tawamhã Sau Dawihi ãma te te 'ri na'rata nhiptâ'â pibu da, ma tô aré ãma simri tite isi'uwazi 'rã'wa na hã. Tane nherẽ, ma tô tiwi tiwa'a. Tahawa, ma tô 'ri na'rata si i'upana ãma siptâ'â. Tahawa, Dawi hã ma tô duré tiwi aimani, sina isõwẽ hawi.

1 Samuéu 20:34

Tahawa, Zonata hã sahi na ma tô tisazém hawimhã wahudu. Tahawa, tô taha bâtâ na hã sai õ di, maparane bâtâ ãma dato a'amo itém na ihâimana na hã. Tãma robzei õ uptabi di, imama Sau hã Dawihi ãma te te wasété mono wa.

1 Samuéu 20:7

Tahawa, ãne te te nharĩ wamhã: “Wẽ di, marĩ õ di”, ĩma simimnhasi õ di. Tane nherẽ, sahi na hâimana wamhã, te za iwaihu, za marĩ te te ĩ'ãma i'manharĩ wasété zém na hã.