1 Samuéu 20:32 - ꞌRe Ihâimana Uꞌâsi Mono Zadawa Wasuꞌu

³² Tawamhã Zonata te timama sadanha ãne: — E marĩ wa, te za dârâ. E marĩ te te 'manharĩ bâ.

1 Samuéu 20:32 ပူးပေါင်းရင်းမြစ်များ

Zenezi 31:36

Tawamhã Zaco ma tô tinhiti'rui pese. Tahawa, ma te ãne Labãhã ma pri'i: — E marĩ te 'manharĩ bâ bété, i'upa hã. E marĩ na wa tô bété ĩwasétézé hã aiwi 'manha, asahi sina we ĩzarina i'aimorĩ da hã.

Provébiu 22:24

Ihâimana wa'ro su'u siré hã 're aihâimana mono tõ.

Mateu 27:23

Tawamhã Pilatu te duré asa dama tinha, ãne: — E marĩ te te 're ab'manharĩ wasété mono bâ. Tane nherẽ, ãne na hã da te wapari õ di. Dahârâ 'rãihâ na te oto nasi 'mahârâ za'ra ni: — Wedepo'o nhonhi'rãmi na da te dasiwi sasõmri, dâ'âre da.

Luca 23:22

Tawamhã te Pilatu hã duré dama tinha, ãne: — E marĩ te te 're ab'manharĩ wasété mono bâ. Iwasété zô, te sadanharĩ wamhã, marĩ hã ãma hâimana õ di. E niha wa za bété taré dama ti'ru, da te dasiwi wĩrĩ da. Mare di. Taré wa za ti'ru, da te dasiwi 're pré'é mono da. Taha parip si, te za mo, ĩzadawa para. — Si'ubdatõ oto imreme hã ihâiba na hã.

1 Samuéu 18:11

Tahawa, te Sau hã ãne sima rosa'rata: — Wa za Dawihi ãma 'ri na'rata nhiptâ'âre, te ãma tétére da. Tawamhã isi'uwazi 'rã'wa na ma tô maparane ãma simri, te te ãma wa'ré da aré. Tane nherẽ, ma tô Dawi hã duré maparane tiwi tiwa'a.

1 Samuéu 19:4

Tawamhã Zonata, timama ma, ma tô Dawi hã tãma wasu'u wẽ ãne: — Ĩmama, marĩ iwasédé hã tãma 'manharĩ tõ, aima romhuri'wa Dawihi ma hã. E marĩ wa. Niwamhã õ hã marĩ iwasédé hã te te aiwi 'manharĩ õ di. Iwẽ na si uburé ma tô te te 're aipawapto.

1 Samuéu 19:5

Õ hã sĩrĩtĩ zawi õ di. Gulia simimnhasi nherẽ, ma tô tiwĩ. Tahawa, Wanhib'apito 'Re ihâimana u'âsi mono nhisi na ma tô ãma ai'uté, Izaraéu nhihudu norĩ te te anho'reptu da hã. Duré te te ãma ai'uté ré hã a hã ma tô asi'uihâ na i'madâ. Tahawa, aima rowẽ di. Ĩmama, e marĩ wa, te za bété ãne nherẽ, iwasédé hã tãma i'manha. E marĩ te te 'manharĩ bâ te za Dawi hã iwĩ.

1 Samuéu 20:1

Tawamhã Dawi ma tô aimani Rama ãma 'Re ihâimana u'âsi mono zadawa 'mahârâ'wa norĩ nhorõwa hawimhã. Tahawa, ma tô Zonata 're ihâimana mono zéb u hã mo. Itẽme wisi wamhã, te ãne tãma tinha: — E marĩ te 'manharĩ bâ. E marĩ na wa tô ĩwasédé hã 'manha aimama wi hã, te te ĩwĩrĩ da, te te sima iwẽ hã.

1 Samuéu 20:7

Tahawa, ãne te te nharĩ wamhã: “Wẽ di, marĩ õ di”, ĩma simimnhasi õ di. Tane nherẽ, sahi na hâimana wamhã, te za iwaihu, za marĩ te te ĩ'ãma i'manharĩ wasété zém na hã.

1 Samuéu 22:14

Tawamhã Aimereti ma tô ãma tãma wa'rã ãne: — Dawi hã aima da'madâ'â'wa norĩ nhipai u, aima i'umnha te 're hâimana. Duré õ hã asa'õmo uptabi, danhib'ihâ'a uburé ti'ai wa'õtõ nho'õmo mono bâ isimiwazéb za'ẽne te 're ihâimana.