1 Samuéu 20:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Dawi ma ãma tãma wa'rã ãne: — Aimama ma hã waihu'u pese di, aima ĩwẽ za'ẽtẽ na hã. Tahawa, te te ĩ'ãma sima irosa'ratazé hã te te aima wasu'u õ di, waihu'u da hã, robzépata tõ da, aiwi irobzei'õzém na. Ãhã na wa za Wanhib'apito 'Re ihâimana u'âsi mono sena na 're ihâimana mono ne, a hã duré sena na 're aihâimana mono ne ropisudu hã aima 'manha. Tô sena ĩdâ'â da hã romnhimimnhasi wa oto.

1 Samuéu 20:3 ပူးပေါင်းရင်းမြစ်များ

Hebreu 6:16

Tane nherẽ, wa norĩ hã marĩ pire na wa te dama 're ropisutu za'ra mono wamhã, dama ipire norĩ nhisi na, wa za wa te dama 're ropisutu za'ra, sena na da te ãma 're wazaze za'ra mono da, duré da te ãma 're wawawã za'ra mono tõ da.

1 Samuéu 1:26

Tawamhã Ãna te ãne tãma tinha: — Ĩnhib'apito! Tô sena wa aima ĩsiwasu'u. Wa hã pi'õ hâiwi ĩzab ré ĩ'madâ, 'Re ihâimana u'âsi mono ma ĩmreme ré hã.

1 Samuéu 17:55

Dawi, Gulia na aibâ 'rãihâ nhisi te te 'wapéi pari iwatobrozém na Sau hã te te 'madâ'â wamhã, ma tô Abine dasi'wapéi 'manharĩ 'madâ'â'wa hã ãma sadanha ãne: — Abine, e 'wa hã õ hã ai'repudu. Tawamhã Abine ma ãma tãma wa'rã ãne: — Me, te waihu'u õ di. Sena na 're i'aihâimana mono ne hã wa tô duré sena aima wasu'u.

1 Samuéu 20:2

Tawamhã Zonata ma te ãma sada'â ãne: — Wa ĩsima wẽ wa hã, atâ'â tõ da 'Re ihâimana u'âsi mono te te ai'madâ'â pese da. Ĩmama hã te uburé marĩ hã te te ĩma 're awasu'u, te te 're i'ab'manharĩ mono zé hã ipire hã duré ipire'õ hã. Marĩ hã te te ĩwi simi'uri õ di aré. Ãhã wa, tô marĩ hã hâimana õ di.

1 Samuéu 20:4

Tahawa, te Zonata sadanha ãne, Dawi hã: — E marĩ te asima iwẽ, wa hã te i'manharĩ da hã.

1 Samuéu 25:26

Wanhib'apito 'Re ihâimana u'âsi mono hã ma tô aiwi sawi asi'ruiwa'âbâ tõ da, duré asitob'ru norĩ uprosi tõ da. Tahawa, ãhã na hã wa tô sena aima waihu'u Wanhib'apito nhisi na hã. Tô sena te za asitob'ru norĩ ma rob'manharĩ za'ra ni za, Nabau ma da te tãma irob'manharĩ ne. Te za uburé te te aima rob'manharĩ za'ra da, te te sima iwẽ za'ra norĩ ma zama tãma rob'manharĩ za'ra ni za.

1 Samuéu 27:1

Tawamhã te Dawi hã ãne sima rosa'rata: — Nimahã bâtâ na Sau hã te za ĩwi. Tahawa, ĩma wẽ di za ĩmorĩ da hã, ĩsimani da, filisteu norĩ nhipti'ai u. Tawamhã te za Sau hã taré ĩzô 're rĩtĩ, uburé Izaraéu nhihudu norĩ nhipti'ai mono na hã. Ãne wamhã, wa za ĩsima iwẽ na nhamra, te ĩsima romnhimimnhasi ãna.