1 Samuéu 20:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã ãne te te tãma nharĩ pari, ma tô oto Dawi hã aima'u a'ubuni wi. Tawamhã apito Sau ma tô oto wi, a'amo itém na datoi u hã.

1 Samuéu 20:24 ပူးပေါင်းရင်းမြစ်များ

Provébiu 15:17

Wẽ uptabi di duré, dasai wa'aba zém norĩ 're idasisawi pese za'ra mono siré da te 're ihuri mono da hã, dasisada 're idanhiti'ru za'ra mono ãma powawẽ hâi pese nhi hã da te 're ihuri mono nhipai u hã.

Provébiu 17:1

I'u'ẽtẽ wapu wẽ'ẽi 'ré si, da te 're huri mono nherẽ, dapẽ'ẽ 're dama 're irowẽ za'ra mono si, wẽ uptabi di. 'Ri 're dasa isa'ẽtẽ na 're dasaihuri u'âsi mono nherẽ, ãma 're idasihâ za'ra mono hã, taha si wẽ'õ di.

Provébiu 21:27

Danhimizama zada iwasété norĩ, Uburé Danhib'apito ma da, te te 're isõmri za'ra mono, tãma hã 'ru ti. Duré da te dasima 're irosa'rata waima za'ra mono zarina, da te 're sõmri za'ra mono wamhã, ta hã wasété uptabi di.

Provébiu 21:3

I'uwaibaba na sena na si ma'ãpé marĩ hã 're ab'manharĩ mono, Uburé Danhib'apito ma ãma tãma 're rowẽ zani mono da, danhimizama zata na ãma tãma 're i'asõpru mono zém nhipai u.

Provébiu 4:17

E marĩ wa. Ta norĩ ma hã marĩ 'manharĩ wasétézé hã, duré da'ãma rowamnarĩzé hã tãma za'ra hã isa za'ra ne hã, duré uwa 'rãi wa'u isé te te 're i'âhuri mono ne hã.

Zuwã 18:28

Tawamhã Caifasihi nhorõwa hawi ma tô Zezusi hã siwi saprõni, zudeu norĩ hã, romanu nhorõwa u robza'rã ré. Roti'wa dama ipire uptabi romanu hã, Pilatu na isisi hã. Te te itẽme siwi ãwisi wamhã, 'ri para u te te siwi 'mazébré õ di, Pilatuhu u. Rowi te iré aimasa. E marĩ wa. 'Re ihâimana u'âsi mono nhimiroti waihu'u'õ'wai wa, Pilatu hã. Tawamhã Pascowa na dato nhisi bâtâ na, dasi'rã'õtõ ré, sisisi õ di za, siwasété za'ra tõ da. Siwasété za'ra 'wa'âhã, aré dame saihuri waihu'u õ di.

1 Samuéu 20:23

Ropisudu hã wa te wasima i'manharĩ mono hã Wanhib'apito 'Re ihâimana u'âsi mono te za te te 're wapawapto, wa te wasima ãma 're uwaimrami u'âsi mono da hã.

1 Samuéu 20:25

Tawamhã ma tô oto nhamra 'ri na'rata ãma, 're isimasisi u'âsi mono zéb ãma. Abine hã ma tô isababamhã nhamra, Zonata isõwamhã duré ma tô nhamra. Tane nherẽ, Dawihi nhamrazéb da si te baba na tihâiba.

1 Samuéu 20:5

Tawamhã Dawi ma ãma sada'â ãne: — Awẽmhã a'amo itém na dato ihâiba, aré te simini ãna apito me ĩsa da hã ĩmorĩ da si. Tane nherẽ, aima wẽ wamhã, wa za aima'u tô, a'ubuni wimhã, awẽ amoi u, hâiwahâ tẽme.