1 Samuéu 2:32 - ꞌRe Ihâimana Uꞌâsi Mono Zadawa Wasuꞌu

³² Ãne wa, te za aiwi tirowaihu'u'õ za nimahã na hã. Tawamhã te za taré duré ãma i'ruiwapari za'ra, Izaraéu nhihudu norĩ ma, za marĩ iwẽ te isõmri za'ra zém na hã. E marĩ wa. Ai'ra norĩ hã duré asihudu norĩ hã za 'masi'ĩhi õ wa.

1 Samuéu 2:32 ပူးပေါင်းရင်းမြစ်များ

1 Samuéu 2:33

Tawamhã wa hã asihudu norĩ hã uburé te uprosi õ di za. Misi te za 're 'maihâimana, ĩte sasedoti na 're ihâimana mono da hã. Tane nherẽ, te za si'rã na te te rob'madâ'â waihu'u ãna 're hâimana. Duré asihudu hâiba amo norĩ si te za siptete ré uburé pese ai'utõ.

1 Samuéu 4:11

Tahawa, ma tô filisteu norĩ hã siwi ti'â, 'Re ihâimana u'âsi mono nhimiroti ré wedehâ're 'manharĩ hã. Tawamhã ma tô dame tidâ'â zahuré Erihi 'ra norĩ Hopini norĩ Finéaha me hã.

1 Samuéu 4:22

Tawamhã te pi'õ hã tinha, ãne: — 'Re ihâimana u'âsi mono nhamrazé hã ma tô watobro, Izaraéu nhihudu norĩ nhipti'ai hawimhã. E tihai wa. 'Re ihâimana u'âsi mono nhimiroti ré wedehâ're hã wanhitob'ru norĩ te te siwi âri wa.

1 Samuéu 4:4

Tahawa, ma tô sô da'mazatõrĩ za'ra, Silo hawi da te dasiwi âri da hã Uburé Danhib'apito iwaihu'u pese te, wedehâ're 'manharĩ hã, ropoto paihi papo wa'wa 're isãmra mono ré hã. Tawamhã Hopini norĩ hã Finéaha me maparane Eri 'ra norĩ hã ma tô ime tineb zahuré, wedehâ're 'manharĩ siré hã.